شيماء سيف لشيرين عبد الوهاب: يبقى أحلى حظر فى العالم اللى أكون معاكى فيه

ردت الفنانة شيماء سيف على ما قالته النجمة شيرين عبد الوهاب أمس، ورغبتها فى أن تقضى معها فترة الحظر، حيث قالت شيرين فى تغريدتها على تويتر أمس، "أكتر حد كنت نفسي تكون موجودة معايا في الحظر هي شيماء سيف.. وانتوا تحبوا تقضوا الحظر مع مين؟"

وردت شيماء سيف،اليوم قائلة "ياشيرى ده انا الى بموت فيكي ويبقى أحلى حظر فى العالم اللى اكون موجودة فيه مع أم قلب طيب القمر صاحبة أجمل صوت فى الدنيا بحبك اوى اوى اوى"

شيماء سيف على انتسجرام

وطرحت شيرين أحدث أغنية لها بعنوان "مش ‏قد الهوى" منذ أيام قليلة لتعود بها لجمهورها مرة أخرى بعد غياب، وهى من ‏كلمات محمد الغنيمى، ألحان محمد رحيم، توزيع أحمد إبراهيم.

وتقول كلمات الأغنية‎ :‎قالى انتى مش قد الهوى‎.. ‎سيبى الهوى لناسه، إيه دخلك بإحساسه‎ ..‎البعد فيكى حلال، وانا من  ساعتها بعدت‎ .. ‎قاللى من الكلام اللى بيوجع ياما بزيادة، وانا سيبته يتمادا‎.. أصل السكوت فى الحاله دى هو ابلغ رد.

وعادت النجمة شيرين عبدالوهاب مجدداً إلى مواقع التواصل ‏الاجتماعى بعد غياب حوالى 5 أشهر، بعد  قرارها بإغلاق كافة ‏حساباتها على السوشيال ميديا بعد أزمتها الأخيرة‎.‎

وكانت شيرين قد روجت للأغنية من خلال حسابها الشخصى على ‏موقع "تويتر"، قائلة: "حبايبى أغنيتى الجديدة اللى وعدتكم بيها مش ‏قد الهوى قريب على يوتيوب‎".