قارئ يقترح فكرة لزيادة عدد أجهزة التنفس الصناعى لمواجهة كورونا

أرسل القارئ احمد كمال مهندس معدات طبية اقتراح عبر خدمة صحافة المواطن لزيادة عدد أجهزة التنفس الصناعى لمواجهة كورونا من خلال تشغيل أجهزة التخدير كأجهزة تنفس صناعى موضحا ان  حوالى 80 % من أجهزة التخدير ممكن تشتغل كأجهزة تنفس صناعى بعد غلق أو فصل مبخرات التخدير من الجهاز .

و قال فى رسالته : "بكده نبقى زودنا عدد الأجهزة بشكل فعال وسريع  مع الاخذ فى الاعتبار ان جهاز التخدير لما يشتغل تنفس صناعى ، لازم نقفله كل 24 ساعه لمدة نص ساعه عشان الجهاز ييرد ويهدى لأنه مش هيستحمل يشتغل لمدة أيام متواصله زى جهاز التنفس ، وفى النص ساعه راحة دى ننفخ للمريض يدوياً عادى بالأمبوباج عشان اجهزة التنفس مصممة تشتغل اسابيع بدون فصل ، اما اجهزة التخدير اخرها ٤٨ ساعه لو عمليه طولت ولا حاجة" .

و أَضاف : ممكن يتم تأجيل العمليات القابلة للتأجيل فى الوقت الحالى ونشغل عمليات الطوارئ فقط حاليا  وتستغل عدد اجهزة التخدير اللى فى باقى غرف العمليات كأجهزة تنفس صناعى .