عمرو أديب يشيد بقرارات الحكومة فى عيد الفطر: "بتشتروا ليه.. مفيش عيد"

أشاد الإعلامى عمرو أديب، بقرارات الحكومة خلال عيد الفطر، قائلاً: "أحسنت الحكومة بهذا القرار"، مردفاً: "الحكومة قالت إنها في 15 يونيو هتفتح وكل حاجة هترجع لمكانها، وعندهم خطة من دلوقتى، الأيام الجاية مش عارف ليه الناس هتنزل عشان العيد، مفيش عيد، هيشتروا حاجة العيد ليه؟".

وأضاف أديب، خلال تقديمه برنامج "الحكاية"، على فضائية "MBC مصر": "مشكورة الحكومة إنها تسيب الحياة الاقتصادية لغاية السبت، وعشان تقدر تفتح في 15 يونيو، فيه أشياء كتيرة لازم تحصل، ويوم 30 مايو الكمامة هتبقى إجبارية، حكاية إن من النهاردة البنوك كلها تبقى فيها كمامة لاحظت أنه يوم الكمامة العالمى، ولاحظت إنه عدد كبير يرتدون الكمامة، ولكن هنا طلب واحد بس، أن يتم توفير الكمامات".

وتابع أديب: "الكمامات موجودة ولكن بصعوبة شوية، ولما قالت الحكومة إنه إجبارى يوم 30 مايو، هتختفى في السوق تدريجيا وتزيد سعرها شوية، لازم حد يراقب توافر الكمامات"، مردفا: "واضح إن الحكومة منظمة جدا ومسيطرة على الأمر، وواضح أن رئيس الحكومة لديه خطة على الإجراءات التي تنفذ الفترة المقبلة".  

وكان الدكتور مصطفي مدبولي، رئيس مجلس الوزراء أكد أن الحكومة تنتهز الفرصة خلال أجازه عيد الفطر وتم التوافق عليه أن من يوم الأحد وحتى الجمعة بواقع 6 أيام سيتم غلق كافة المحال التجارية والمولات والمطاعم ومناطق تقديم الخدمات الترفيهية والشواطئ وحظر حركة المواطنين اعتبارا من الخامسة مساء وحتى السادسة صباحا.

 وأشار رئيس الوزراء، إلى إن هدف الإجراءات الاحترازية خلال عيد الفطر هو الوقاية من فرص انتشار الفيروس وتقليل عملية انتقال الفيروس.