القارئ محمد رمضان يكتب: جانا العيد

جانا العيد والله يا ولاد

               وأنا حاسس بعده هينزاح

كل وباء بهدل أهالينا

                       ويارب تهل الأفراح

نفسى الاقى العالم أفضل

               مش مليان أحزان وجراح

مش مليان احقاد كدابه

                    قتل ونهب زمن نطاح

بس هقولها بجد صريحه

             عاوزين نبقى شويه وضاح

مش نفضل عايشين فى متاهه   

                     لا دا زمنا زمن فضاح

أظهر فينا الضعف البشري

                    وعرفناك يا زمن دباح

بس الفرصه بجد قريبه

                             اننا نرجع للفتاح

يفتح لينا بشائر فضله

                       ربنا رب رحيم نرتاح

مش نفضل خايفين وكفايه

                  قتل ونهب كفايه جراح