أحمد صلاح حسنى لـ "راجل و2 ستات": الراجل لما بيحب بيكون زى البيبى الصغير

قال الفنان أحمد صلاح حسنى، حافظت على وزنى بشكل طبيعى في وقت حظر التجول، بأنى قللت أكل النشويات وبقيت باكل بروتين أكتر والسلطات، لأن دلوقتى مفيش جيم فاضطريت أقفل شوية على نفسى في موضوع الأكل عشان أفضل محافظ على وزنى بمعدله الطبيعى.

 

وأضاف خلال لقائه في برنامج "راجل و2 ستات"، من تقديم الإعلامية شريهان أبو الحسن والفنانة هيدى كرم، أن الرجل لو حب فتاة بيعمل أى حاجة وبيكون زى الغويشة في إيدها وعامل زى البيبى الصغير، ولما الزوجة بتقول لزوجها أنت اتغيرت ليه، لازم تبص لنفسها وتشوف هي الأول اتغيرت في إيه خلاه يتغير هو كمان، والعكس طبعا على الزوجة نفس الموضوع.

 

على جانب آخر شارك أحمد صلاح حسنى فى  مسلسل "الفتوة" الذى عُرض علي قناة الحياة ضمن السباق الرمضانى المنقضى، من إخراج حسين المنباوى وتأليف هانى سرحان، وضم المسلسل الفتوة عدد كبير من الفنانين بجانب بطله النجم ياسر جلال، حيث شارك فى بطولته كل من نجلاء بدر وأحمد صلاح حسنى ومى عمر وأحمد خليل ورياض الخولي وأنعام سالوسة وأحمد خالد صالح، ومحمود حافظ، وعددا آخر من الممثلين.