وائل جمعة: "محدش ليه فضل على الأهلي من أول رئيس النادى لأصغر واحد"

أعرب وائل جمعة، نجم دفاع النادي الأهلي السابق، عن غضبه الشديد من الزج باسم القلعة الحمراء فى أكثر من صراع خلال الفترة الماضية، وقال جمعة عبر حسابه الشخصي على تويتر، "نقطتين لازم نوضحهم، أولًا المشهد لا يحتمل من ناس كتير ربنا أنعم علينا وعليهم بنعم يطول ذكرها ولكن إحنا بننسي.. ثانيا ودا الأهم محدش له فضل علي الأهلي من أول رئيس النادى لأصغر واحد فى النادى غير الناس اللى ماتت وبتموت على حبها للنادى وبتدافع عنه بدون ماتستني حاجة.. كفايه كفايه بجد".

وائل جمعة

وكان حسام عاشور قائد فريق الكرة الأول بالنادى الأهلى، قد كشف كواليس الأزمة الأخيرة التى نشبت بين مجلس إدارة النادى الأهلى والمستشار تركى آل الشيخ رئيس هيئة الترفيه فى المملكة العربية السعودية والرئيس الشرفى للنادى الأهلى، كما اتهم عاشور مجلس إدارة النادى بتعطيل الإتفاق الذى تم حول إقامة مهرجان إعتزاله بنهاية الموسم الجارى.

قال عاشور فى فيديو نشره على صفحته الرسمية على أنستجرام: "أنا مش من هواه تسجيل الفيديوهات، بس لازم الفترة اللي فاتت كان فى كلام ولغط كبير جدًا وكان لازم أطلع وأتكلم.. أولاً الناس كلها عارفة تاريخى وقيمتى وإنجازاتى مع الأهلى، والحمد لله لم أقصر مع الأهلى، وبقالى 16 سنة فى النادى ولم يسمع أحد صوتى نهائيًا، وقمت بعملى شغلى على أكمل وجه، وبشتغل للنادى اللى أتربيت فيه وبعمل اللي عاليا".

أضاف: "أنا متأثر بسبب الضغط الزائد على فى الفترة اللي فاتت ومش عارف ليه، وأنا هقول القصة بأختصار، عمرى ماطلبت حاجة من النادى وعمرى مطلبت أطلع برا زى الناس اللي بتطلع تستفاد ماديًا، وكنت دائمًا أوقع على بياض، والموضوع الأخير كان بالنسبالى صعب، وعرضوا عليا مباراة اعتزال وأن أعمل فى قناة النادى وأخوض معايشة مع أى فريق خارجى، طلبت منهم فرصة للتفكير خصوصًا أن موضوع اعتزالى وأنا صاحب 34 عامًا ومازلت قادر على العطاء".

تابع: "وبعد ما قمت بالتفكير أتصل بى أحد المسئولون بالأهلى وقال لى أن المستشار تركى آل الشيخ تدخل وسيقوم بعمل مباراة اعتزال، فما رأيك؟.. فوافقت، وتواصلت معه وفقًا لما بُلغت به، والمستشار ترك قال لى: "اللى أنت عايزه هعملهولك" وفقًا للاتفاق الثلاثى، ثم تم الإتفاق على تحرير ورقة تفيد بأن الأهلى سيشارك فى مباراة اعتزالى، وقمت بتوقيعها من سيد عبد الحفيظ ومحمد مرجان أول أمس، وكنا نضع الرتوش الأخيرة وقمت بتصوير فيديو لشكر كل العاملين فى النادى قبل إعلان إعتزالى".

أردف: "ثم طلب منى محمد العاصى أن أرسل له خطاب الشكر لمراجعته قبل نشره بصفة رسمية، وهذا الكلام كان من الساعة الثامنة مساءًا، وبدأت المماطلة حتى الساعة 12 ونصف صباحًا فى أن الكابتن محمود الخطيب مش بيرد وإن حفيده تعرض لوعكة ولا يستطيع الرد.. وهذا ما حدث بالتفصيل، وكل شيئ كان ماشى تمام لكن لا أعلم لماذا خطاب الشكر عطل كل شيئ".

وفى ختام حديثه قال: "فى النهاية أنا الوحيد الذى تضرر من هذا الأمر، ورغم إننى وافقت على طلب النادى، وكل ما أتمناه أن يسير موضوعى بيسر دون تعقيد، مثلما كان تاريخى فى الملاعب، وكتر خير المستشار تركى آل الشيخ إنه تكفل بكل شيئ بالاتفاق مع النادى الأهلى، وأنا مش فاهم فى مصلحة مين اللى بيحصل ده، بس أكيد مش فى مصلحتى، وأبسط حق من حقوقى إنى أعمل ماتش اعتزالى زى أى حد خدم النادى، ومعلش أنا منفعل لكن أنا عمال اتشتم مش عارف ليه، وأنا عملت ايه وحش للنادى الأهلى أو لأى حد علشان يحصل معايا كده، وأيًا كانت الخلافات أنا فين من كل ده".