القارئة بسملة عوض‎ تكتب: عيد ميلادى بدونك

ضحكتك.. عقلك.. جنونك والحنان اللى ف عيونك

بس دلوقتي انا وحيد جدا بدونك

بمشي شوارع معرفهاش واشوف طيفك

ماسك ف ايدي يعديني الطريق

لأجل انك وعدت انك مش هتسيب ف يوم

بتمشي معاك واشوف عينيك

ف تنزل دمعه مني رافضه تصدق اني بدونك

ف تمسحها كالعاده وتقول جنبك

تشد ع ايدي وتهمس انا جنبك انا جنبك

يشوفني عابر طريق يخبط ع ايدو يقول جّنت

ف ابصله واضحك واقوله قال جنبي

ف تقولي تجاهليه يلا امشي هتتاخري ع معادك

فتودعني بحنيه

مكنتش اعرف انو اخر لقي

لكن برضو

"بينا معاد"

انا هنا هحارب بدونك

وهبعتلك سلام ف الحرب

هبعتلك جواب مكتبوب فيه انا بخير وطيفك معايا

بحارب لأجل ننتصر ف حرب كانت مستحيله زمان

انا هنا جنبك

حتي لو كنا بعاد هنرجع وههزم العالم بصبري

وهداوي جرحي بايدي ومش هتسند ع غيرك

واجيب تورته واحط فيها شمعه واحتفل بعيد ميلادي الاول من غيرك

وهطفي الشمع واتمني انك ترجع من تاني.