فيديو قديم لتعذيب قطة يثير جدل السوشيال ميديا من جديد.. اعرف القصة

أثار إعادة تداول فيديو قديم، يظهر مجموعة فتيات يقمن بتعذيب قطة صغيرة غضب رواد مواقع التواصل الاجتماعي، بسبب الوحشية التي ظهرت به على كائن ضعيف دون سبب، حيث أصبح الفيديو الأكثر تداولا على موقع "جوجل"، معربين عن جزنهم الشديد له.

وأختلف رواد مواقع التواصل حول مكان الفيديو وجنسية الفتيات به، حيث قال البعض إن الحادثة وقعت في مدينة طنجة المغربية، وهو ما دعا السلطات في المدينة تخرج لنفي وقوع الحادثة هناك.

كما أكد آخرون أن الفيديو وقع في ماليزيا، وسط تأكيدات بتلقي الشرطة الماليزية شكوى ضد الفتيات ومطالبات بالقبض عليهن، وعلى الفور انتشرت صورة للقطة تحولت للأكثر استخداماً عبر موقع التواصل الاجتماعي "فيسبوك".

ولكن تبين أن الفيديو يعود لعام 2015 لحادثة وقعت فى دولة هندوراس.

وجاءت معظم التعليقات على الفيديو بعد تداوله مرة أخرى كالتالي :" شوفت فيديو لكام طفلة بيدوسوا علي قطة صغيرة لحد ما موتوها ومشغلين أغاني كمان مش هقولكوا اني مقدرتش اكمل الفيديو ولا صوت القطة عمال يرن في ودني لا هقول ان حسبي الله ونعم الوكيل في الأهالي اللي بتطلع عيال مش سوية زي كدا واللي مفترض هما اللي يتحاسبوا علي اللي اطفالهم بيعملوه ده".

 

فيما قال مغرد آخر :" فيديو القطة حسبي الله ونعمه الوكيل ربنا ينتقم  منهم  دى امرأه دخلت النار علشان  حبست قطه طاب دوول قلبهم كان فين  وهما  بيعملو كده".

 

كما قال آخر :" ايه الممتع فكده  ايه اللي يخلي حد يعمل  كده  يعني بجد مفيش دم ولا انسانيه انا لما بلاقي قطه ولا كلب فالشارع ببقي هموت و اخدهم اخلى بالي عليهم  ولما بلاقي حد بيضرب حيوان ببقي عايزه امسكه اضربه عشان يحس باللي بيعمله بجد انا مش مستوعبه  و مش عارفه ايه اللي يوصل حد انه يعمل كده".

 

و علق النجم محمد هنيدى على الفيديو المتداول عبر مواقع التواصل الاجتماعى لتعذيب قطة صغيرة بشكل وحشى على يد عدد من الفتيات، والذى أثار غضب عدد كبير من رواد السوشيال ميديا.

ونشر هنيدى صورة تعبيرية عن وفاة القطة، عبر حسابه بموقع "تويتر"، معلقا عليها قائلا "اتربينا من وإحنا صغيرين على حديث وقصة دخول امرأة النار فى قطة بسبب إنها حبستها... بس فى ناس ولا اتربت ولا تعرف ربنا إنها تعمل فى كائن برئ كده".

محمد هنيدي

كما قالت الفنانة الشابة ملك زاهر، تعليقا علي صورة القطة عبر حسابها بموقع "أنستجرام" :"الناس بقي ولا عندها قلب ولا رحمة بقيت بشوف ناس بتعذب اطفال و كلاب و اخيرا القطة المسكينة دي اللي اكييد معملتش اي حاجة و حتي لو عملت مفيش اي كائن حي خلقو ربنا يستاهل التعذيب ده في ايه ايه الكم الكبير من البشر الي بدون انسانية ولا مشاعر ولا رحمة . ناس ايه بقي دول اكيد مش بشر عشان معندهمش اهم حاجة عند البشر الي هي الانسانيه منكم لله. حسبنا الله ونعم الوكيل ! حسبنا الله ونعم الوكيل! ".#prison_for_the_cat_killers💔

ملك زاهر