الفنان شريف منير: "اللى قلوا أدبهم على صور بناتى لجان إلكترونية"

أكد الفنان شريف منير، أنه أعاد نشر الصورة التي تنمر عليها مجموعة من المتابعين له على موقع إنستجرام، لابنتيه، لأنه لا يمكن أن يتحكم أحد في تصرفاته الشخصية، وقال: "بنتي الكبيرة بتحب التصوير وكانوا لسة صاحيين من النوم فاتصوروا صورة حلوة فأخدتها منهم وحطيتها على صفحتي، ومجموعة قليلة بس هما اللي قلوا أدبهم وهما قلة لا يساوون شيئا بالنسبة ليا، وبناتي ومراتي اللي طلبوا مني أني أشيل الصورة".

وأضاف خلال مداخلة هاتفية مع الإعلامي رامي رضوان، خلال برنامج "مساء dmc"، الذي يذاع على قناة dmc: "الكلام اللي اتقال على صورة بناتي في منتهي قلة الأدب مقدرش أذكره على الهواء، وجالي تليفونات من ناس بحترمهم وقالولي ليه شيلت الصورة لازم تحطها تاني، وبالفعل حطيت الصورة تاني، وهخد إجراءات قانونية ضد أي شخص يقل أدبه على أي صورة".

وقال: "دخلت على صفحات بعض الناس اللي شتمت وقلت أدبها على الصورة ولاقيتهم صفحات فاضية، وهما تابعين للجان إلكترونية مكلفة بالشتيمة، لكن للأسف في ناس في النص حقيقيين وموجودين بينا، وأي شخص هيقل أدبه تاني أنا هخد الإجراءات القانونية ضده وكل واحد هياخد جزاءه".