‏‎القرآن أول كتاب قريته.. أسما شريف منير: اقتنوا الكتب حتى لو مش هتقروها دلوقتى

سردت الإعلامية أسما شريف منير قصتها مع قراءة الكتب واقتناها منذ الطفولة، مبينة أنها منذ بلوغها الـ15 عاما كانت تحب الكتب وريحتها وقيمتها وباتت تشترى كتبا كثيرة ولم تكن تقرأها في ذلك الوقت، إلا أنها كانت تحلم بأن يكون لديه مكتبة كبيرة تستفيد منها فيما بعد.

 

 

 

 

 

View this post on Instagram

 

 

 

 

 

 

 

 

 

 

‏‎من زمان و انا عندي ١٥سنة كده كنت بحب الكتب جداً ملمسها و ريحتها و قيمتها و فاكره اني كنت بحب الأجانب هما بيقروا علي البحر او في المترو او في مطعم، كنت ببقي عايزه اعمل كده بس عشان كان عندي عدم صبر و بزهق بسرعة فا مكنتش بكمل و ديماً بأقول بعدين، بكره ان شاء الله بس و لا بعمل حاجه لاكن فضلت اقتني كتب علي امل إن في يوم اتعلم الصبر و ابتدي فعلاً اقرا، كل اصحابي كانوا بيتريقوا عليا و بيقولولي بطلي تشتري كتب و خلاص فلوس علي الفاضي ، بس انا فضلت برضة اشتري لاني كنت متاكده اني هقراهم و كنت مقتنعه اني لازم يكون عندي مكتبه محترمة فيها كل اختياراتي في مراحل حياتي عشان اقدر اديه ل لارا بنتي و هي تكمل عليه اختيارتها و يفضل في عيلتنا من جيل ل جيل .... اهلي يمكن مركزوش اوي في موضوع القراية ده مع ان ابويا طول عمره بيقرأ مش عارفة ليه؟ المهم، لما دخلت في العشرينات صبري بقي احسن و كملت اول كتاب و هو (القرآن الكريم) كنت حبه ان ده يكون اول كتاب اخلصه، و من سعتها قرأت كتير و لما دخلت الثلاثينات بقيت احسن و احسن و المفجاة اني حققت حلم من احلامي و كتبت اول كتاب ليا رغم ضعف مستوايا في اللغة العربيه و عشان كده كتبته باللغه العاميه زي ما بتكلم عشان هو كان بيتكلم عن الطلاق فا كنت عايزه كل ست بتقراه تحس كاني بتكلم معاها، صحبتها و حسه بيها.. ‏‎و أخيرًا لما بشوف مكتبتي بفرح بيها و لاني اقتنيت كتب كتير و بقي كمان فيها اول كتاب انا كتبته لحظة انا ممتنلها و بشكر ربنا عليها ‎الأهم اني اهتميت بإن لارا تقرأ و الحمد لله لازم تقرأ كل يوم و بقت عايزه تقرأ كتب اكبر و الكتب اللي في سنها بقيت شايفها انها كتب بتاعت اطفال بتقولي مامي انا عازه اقرا ‏(fat book) ‎ يعني كتاب كلبوز، و حتي مع حجازي ديماً بلعب معاه و استفزه انه يقرا كتاب معين في رسالة عايزه اوصلهاله و فعلاً يقراه و نقعد نتناقش مع بعض فيه او ساعات بيقراه بصوت عالي و انا بسمع معاه و كأننا بنتفرج علي فيلم مع بعض. ‏‎انا بقولكم كل ده ليه؟ ‏‎ : عشان كذا حاجه الحقيقة ‏‎١- اقتنوا كتب حتي لو مش هتقروها دلوقتي ‏. ‎٢- سيبوا لاولادكم علم ينفعهم (بعد عمر طويل) ‏. ‎٣- علموا اولادكم يقروا كتب. ‏ ‎٤- اقروا مع بعض اذا كان اولادكم او نصكم التاني. ‏ ‎٥- متزهقوش واحده واحده تقدروا تعلموا نفسكم تقروا ‏. ‎٦ تخيلوا انه فيلم او مسلسل، القرأه هتنمي عندكم ‏‎الخيال و هتملاكم سعاده و هتزودكم معلومة ‎٧- هتتعلموا الصبر ‏‎ ٨- هتستفيدوا بالوقت ‏ ‎٩- هتشغلوا دماغكم و احساسكم و هتتفعلوا بشكل ‏‎ايجابي و اكيد في حاجه هتمسكم ‏‎انا و حجازي حالياً بنقرأ كتاب (احبب

A post shared by 𝘼𝙨𝙢𝙖 𝙨𝙝𝙚𝙧𝙞𝙛 𝙢𝙤𝙣𝙚𝙚𝙧 (@asma.sherif.moneer) on

Jun 19, 2020 at 10:51am PDT

وقالت أسما شريف منير عبر حسابها الرسمى على إنستجرام: "من زمان وأنا عندي ١٥سنة كدة كنت بحب الكتب جداً ملمسها وريحتها وقيمتها وفاكرة إني كنت بحب الأجانب هما بيقروا على البحر أو في المترو أو في مطعم، كنت ببقي عايزة أعمل كدة بس عشان كان عندي عدم صبر وبزهق بسرعة فمكنتش بكمل وديماً بأقول بعدين، بكرة إن شاء الله بس ولا بعمل حاجة".

وأضافت: "لكن فضلت اقتني كتب على أمل أن في يوم اتعلم الصبر وابتدي فعلا اقرأ، كل أصحابي كانوا بيتريقوا عليا وبيقولولي بطلي تشتري كتب وخلاص فلوس على الفاضي، بس أنا فضلت برضه اشتري لأني كنت متاكدة أني هقراهم وكنت مقتنعة أني لازم يكون عندي مكتبه محترمة فيها كل اختياراتي في مراحل حياتي عشان أقدر اديه لـ لارا بنتي وهي تكمل عليه اختياراتها ويفضل في عيلتنا من جيل لـ جيل ".

وتابعت: "أهلي يمكن مركزوش أوي في موضوع القراية ده مع أن أبويا طول عمره بيقرأ مش عارفة ليه؟ المهم، لما دخلت في العشرينات صبري بقي أحسن وكملت أول كتاب وهو (القرآن الكريم) كنت أحب أن ده يكون أول كتاب أخلصه، ومن سعتها قرأت كتير ولما دخلت الثلاثينات بقيت أحسن وأحسن".

وأردفت: "المفاجأة إني حققت حلم من أحلامي وكتبت أول كتاب ليا رغم ضعف مستوايا في اللغة العربية وعشان كده كتبته باللغة العامية زي ما بتكلم عشان هو كان بيتكلم عن الطلاق فكنت عايزة كل ست بتقراه تحس كأني بتكلم معاها، صحبتها وحسه بيها".

وقالت: "أخيرًا لما بشوف مكتبتي بفرح بيها ولاني اقتنيت كتب كتير وبقي كمان فيها أول كتاب أنا كتبته لحظة أنا ممتنلها وبشكر ربنا عليها..  ‎الأهم إني اهتميت بأن لارا تقرأ والحمد لله لازم تقرأ كل يوم وبقت عايزه تقرأ كتب أكبر والكتب اللي في سنها بقيت شايفها أنها كتب بتاعت أطفال بتقولي مامي أنا عاوزه اقرأ ‏(fat book) ‎ يعني كتاب كلبوز".

ووجهت عددا من النصائح إلى متابعيها قائلة :"اقتنوا كتب حتي لو مش هتقروها دلوقتي.. سيبوا لاولادكم علم ينفعهم (بعد عمر طويل)‏.. علموا أولادكم يقروا كتب.. اقروا مع بعض إذا كان أولادكم أو نصكم التاني".