ابن هشام سليم المثير للجدل.. يستعين بحلقات للرحمة والمغفرة بعد دعمه للمثليين

يواصل نور ابن الفنان هشام سليم إثارة الجدل، بعد تصريحاته التي دعم بها المثليين عبر حسابه الشخصي بموقع انستجرام، والتي طالب بها المجتمع بتقبل فكرة المثلية الجنسية، بعد أن كشف عن إجرائه لعملية تحويل من أنثى لذكر وليست نتيجة خلل فى الهرمونات، ودفاعه عن سارة حجازي التي انتحرت منذ أيام في منزلها بكندا.

واستعان ابن الفنان هشام سليم "نور" بحلقات عن الرحمة والمغرفة للداعية الإسلامي خالد الجندي، عبر الاستوري الخاص به بإنستجرام، ليعود لإثارة الجدل من جديد بعد اعترافه في الفيديوهات بأن تلك العملية التي أجراها تعد منافية للتعاليم الإسلامية.

اخر استوري خاص بنور هشام سليم

وقال ابن هشام سليم المتحول جنسيًا في الفيديوهات التي نشرها أمس: "اللى راضي بيا ومش راضي بملك الكاشف يبقي منافق، اللى راضي بيا ومش راضي بسارة حجازي يبقي منافق، واللى هيجي يقول لا أصل دا الدين ودا الإسلام، لا دا دينك انت وحياتك انت، وبراحتك تفكر بطريقتك بس متفرضش دينك عليا أو على سارة أو على ملك".

وأضاف نور هشام سليم في حديثه: "فين الإنسانية يا جماعة، اللى هيجي يقول لا أصل انت عادى بس المثليين والمثليات حرام، هقولكم حاجة أنا مكنش في خلل هرموني، ولا كان في حاجة، دا مكنش تصحيح، دا كان تحويل، فا انا قدام ربنا اللى عملته دا غلط، بس انتو كلكم ماشيين حبيبي يا نور وأنت زي القمر وعيش مبسوط، بس سارة حجازي ماتت بس أحسن وإن شاء الله الدود يأكلك".

نور هشام سليم

واستطرد ابن الفنان هشام سليم حديثه في الدفاع عن المثليين، قائلاً: "هتقولوا عليا كدا لما اموت؟ عادي مش فارقلي، بس لو انت بتشرب وبتزني وبتحشش، أنا زي زي سارة حجازي، واللى مش راضي بيها مش راضي بيا، واللى مش راضي بيها مش عاوزة عندي".

 

وواصل نور هشام سليم حديثه متسائلاً: "احنا بني أدمين يا جماعة، الجريمة بتاعتها ايه؟ انها بتحب البنات؟ انتو مش ملائكة علشان ترحموا الناس، فهموني أو فهموا نفسكم، أنا مش عارف انتو ليه بتدعموني ومش بتدعموا الناس التانية، أنا مش فاهم ليه الدعم دا كله ليا".