القارئ محمود سعد يكتب: الوضع الحالى

يتلخص وضعى الحالى              إن أنا مش عارف مالي 

وإن الأخبار الساره                        كلها مبقتش تسر 

وإن الأيام المره                         مبقتش خلاص بتمر 

وأنا حر ودايما حاسس                   إن أنا دايما مش حر 

ولا مبسوط ولا زعلان                         كل الأيام بنساها

وكرهت حاجات دي الوقت                      كنت زمان بتمناها

مش عارف أفسر ليه                 فيه حاجات ملهاش تفسير 

دا أنا حتى كمان فكرت                       إني أبطل تفكير 

وبشوف أحلام ف حقايق                    وحقايق ف الأحلام 

أيام بتمر دقايق                            وسنين بتمر أيام 

بطلت أعد سنيني                    مش عارف يطلعوا كام 

كان عندي أماني كتير                  مبقاش فيه ولا أمنيه

وقالولي الوضع خطير               وأنا شايف حالتي عاديه 

مين عارف فين الخير؟              مش جايز مش خير ليا