الرئيس يوجه بإطلاق اسم الفريق محمد العصار على أحد محاور القاهرة.. ويداعب وزير الأوقاف: "جاى على الحتة بتاعة الغلابة ولازم مقدم 3 شهور".. السيسي عن المبانى المخالفة: "مين إداله الترخيص احنا عاملين مشكلة لنفسنا"

• السيسي: عاوزين تريليونات كتير أوى عشان نحل كل حاجة.. متحركين وناجحين بأمر الله

• السيسي: نسعى لحماية المواطنين والحفاظ عليهم من خلال نظام جديد لمراقبة الطرق

داعب الرئيس عبد الفتاح السيسى وزير الأوقاف الدكتور محمد مختار جمعة قائلا: "وزير الأوقاف لازم يأخد مقدم 3 شهور، وعندك الأراضى الزراعية، فيه ناس فيهم مش بتدفع خالص بقالها سنتين تلاتة.. جاى على الحتة بتاعة الغلابة، وتقوله لازم تدينى 3 شهور"، وهو ما رد عليه اللواء إيهاب الفار رئيس الهيئة الهندسية: "نزلهم لشهر".

وجه الرئيس عبد الفتاح السيسى، بإطلاق أسم الفريق محمد العصار، وزير الإنتاج الحربى، على محور "أبو بكر الصديق - تحيا مصر" بطول 18 كيلو، حيث يضم 18 كوبرى، أبرزهم "الماظة - سفير - ابن الحكم - الحلمية - المطرية - عمر المختار – الأميرية".

كما وجه الرئيس خلال كلمته، باحتفالية افتتاح عدد من المشروعات القومية الكبرى، بإطلاق أسماء الشهداء والأطباء، على الكبارى الموجودة على المحور .

وافتتح الرئيس السيسى مجموعة مشروعات تطوير منطقة شرق القاهرة، وقصر البارون بعد ترميمه، وكذلك مطارى سفنكس والعاصمة.

قال الرئيس عبد الفتاح السيسى، أن حجم الأراضى التى اتخذت من الوحدات العسكرية والهيئة العربية للتصنيع من أجل محور طريق السويس، تقدر بـ 3 مليارات جنيه.

وأضاف السيسى، خلال كلمته، باحتفالية افتتاح عدد من المشروعات القومية الكبرى: "محور طريق السويس كان يستحيل توسعته إلا لو خدنا أراضى من القوات المسلحة والهيئة العربية للتصنيع، حجم الأراضى اللى اتاخدت على طول الطريق قيمتها أكتر من 3 مليارات جنيه.. خدنا وشلنا أسوار ودخلنا داخل الوحدات العسكرية بمساحة 25 مترا بطول الوحدات بالكامل".

وتابع الرئيس: "لكن لو فيه مساكن ناس كنا هنضطر نعوض الناس كلها .. بقول وأكرر ذلك عشان تساعدونا لأن الأموال التى تنفق لإصلاح ما نحن فيه أموال ضخمة جدًا ولن نتردد فى إنفاقها بس انتوا ساعدونا".

وواصل السيسى حديثه: "طريق السويس كان حارتين، وكان يكلف المواطنين وقت ووقود ووجع قلب.. والرفق أننا نسهل حياتكم على كدا ما نقدر.. لو عاوزين نحل المسائل الموجودة فى مصر عاوزين أرقام هائلة جدًا.. عاوزين تريلونات كتير أوي.. عشان نقدر نحل كل المسائل فى كل حاجة.. وإحنا متحركين وناجحين وبأمر الله هنكمل ونشوف.. ومنظومة مراقبة سرعة السيارات لازم نعملها عشان نحكم حركة الناس".

أكد الرئيس عبد الفتاح السيسى، أن الدولة تسعى لاستخدام أحدث النظم التكنولوجية على الطرق والمحاور الجديدة، مشيرا إلى أن هذا النظام يهدف إلى حماية المواطنين ومراقبة الحركة المرورية لمنع المخالفات المروية.

وأضاف الرئيس السيسى، خلال كلمته فى افتتاح عدد من المشروعات القومية الجديدة فى شرق القاهرة، أن النظام الجديد يساهم فى تحديد مخالفات السائقين على الطرق بحيث تم التأكيد على عدم التجاوز مرة أخرى.

وداعب الرئيس السيسى الحضور: "النظام الجديد يرصد حركة السائقين على الطرق الجديدة.. ولو خالف كل 5 كيلو يتم رصد المخالفة.. واحنا هنستفاد ونحاسبه أول بأول.. بس الأهم حياة المواطنين والحفاظ عليهم".

استفسر الرئيس عبدالفتاح السيسى عن عدد من الأبراج السكنية بجوار أحد الكبارى، وقال الرئيس: "عاوز أقول حاجة عن العمارة دى نقطة مهمة هى مش بس فكرة إنها مشوهة الكوبرى، لا، أنت عاوز تعمل حركة سطحية مستريحة، لأنها منطقة مكتظة بالسكان".

وواصل الرئيس السيسى حديثه عن المبانى المجاورة للكباري: قائلا: "بصوا على العمارة دى، وغيره، الناس دى هتقعد فين وهتتحرك ازاى، ولو عندها عربيات هتحطها فين، كام دور مين إداله الترخيص؟ ده هو ملوش ذنب، هل الناس اللى موجودة فى الحى مش فكرة فساد الموضوع مش فساد الموضوع أن الناس مش عارفة هى مين؟، سواء كان رئيس حى أو محافظ، انا بتكلم بصفة عامة مش على القاهرة بس، محتاجين نتعلم نواجه مشاكلنا ازاى؟، الكلام ده انا بشوفه لما انزل اتمشى بالعربية وأشوف الدنيا فيها ايه فى بلدنا انا مش بعيد عنكم، بشوف احنا اللى عاملين المشكلة لنفسنا احنا اللى ساكتين بتديله ليه ترخيص وبالحجم ده ليه، مش فيه استيعاب وعلم بيقول انك لازم تعمل حسابك للحركة للناس اللى هتسكن المنطقة".

واستعرض اللواء إيهاب الفار رئيس الهيئة الهندسية للقوات المسلحة، شبكة الطرق الجديدة بشرق القاهرة، وما تم تنفيذه من محاور وكبارى جديدة، وكيف تسهل هذه الكبارى والمحاور الجديدة الحركة الجديدة فى منطقة شرق القاهرة.