عماد محرم ردا على ماجدة خير الله: أنا صاحب فكرة وجود شخصية لوزة فى فيلم العفاريت

قال الفنان عماد محرم عن سر كشفه للغز فيلم العفاريت، إن الموضوع بدأ بالتهريج وكنت قاعد مع ابنتى التى سألتنى من كانت ابنة الفنانة مديحة يسرى قولت أنا هحرق الفيلم بقى بعد 30 سنة فقولتلها بلية.

وأضاف، خلال مداخلة هاتفية ببرنامج مساء دى إم سى مع الإعلامية إيمان الحصرى: ورد فعل الأستاذة ماجدة خير الله كاتبة الفيلم في البداية قالت ألفاظ ليست لطيفة عنى فأخدت الموضوع بحساسية ثم تعصبت وقالت عنى إننى أردت الشهرة وممثل جاء 3 أيام ومشى والفيلم أصلا إخراج حسام الدين مصطفى واشتغلت معاه في أكثر من عمل.

وتابع: أنا رجل معروف في الوسط الفني منتج وممثل والنجوم كلها أصدقائى وأرد عليها بمفاجأة أنا صاحب أن يكون هناك شخصية لوزة وهى كانت كاتبة في العمل بلية بس واتصل بيها وقالها إحنا عدلنا تقدرى تعملى ده في وقت قد ايه وقالتله بمنتهى السرعة، أنا أعرف أكثر منك يا أستاذة لأن أنا صاحب الاقتراح، هناك شاهد على هذه الواقعة حى يرزق.

وأكمل: "أنا ما كنتش هعمل الدور ده وعملته لأن أنا حسيت أن الفيلم ده هيسمع وكان وشه حلو عليا وامراتى حكيتلى أنها كانت نفسها تتجوز واحد زى شخصيتى في الفيلم"، أنا عملت شخصية طيب مرة واحدة وأخدت جائزة وما كنتش عاوز اعمل شخصية الشر في الوقت ده، وعمرو دياب كان في عز نجوميته في الفيلم ده وكنت عارف أن الفيلم هيتشاف، والأطفال كانوا بهجة في هذا الفيلم.