القارئ محمد عبد العزيز يكتب: شوية فضفضة

واه ياغزالي

ياللي اسمك قالوا عنه كتير حكاوي

 يعني الورود والغيوم...

الغيوم اللي بتبروز السماء الزرقا وسط النجوم...

اللي بينسينا دايما مشاكلنا وسط الهموم..

والشعراء بنوا البيوت بالغيوم ويذهبون....

لكل حس صورة ولكل بيت غيمة ...

لكن أعمار الغيوم قصيرة في وسط الريح زي الأبد المؤقت في القصائد لا بيزول ولا بيدوم....

ومن حسن حظي إني بمشي على جبل وببص من فوق حوالين الغيوم...

أما الورود جمع الورد...

الورد اللي اتعلمت منه إن الزمن فيه جزر ومد...

واللي ميعرفش يبقى ضاعت علومه....

واتعلمت منه ان الزمان القبيح ليه حد....

ولا عمري شفت غصن بيطرح ورد من يومه....

واتعلمت منه اني ابعد عن الهزار وقت الجد....

واني ماشبعش وغيري بيندب الدهر وبيصومه....

اتعلمت ازاي أصبر ليالي الشتا على البرد....

ومطلبش لذيذ التمر من يابس الدومة....

ومفكرش غالي عليا بهمه نهار السعد....

ولو كان حزين أشيل من على قلبه هموم....

واتعلمت ازاي أخلي من كل اللي حواليا سد....

ومسمعش كلام نفسي وكل خطوة تبقى مرسومة....

وشوفت ازاي ان الورد وافي وبيصون العهد.....

ومبيجرحش الا اللي صفاته مذمومة....

وشوفت ازاي ان الفرع عنده صفات الجد....

وطريقة ازاي الورود بمصدر الشهد مختومة....

ومش كل اللي يقف على الورد يصنع شهد....

 ومش كل اللي طالع جبل عارف سلومه...

واااااه ياغزالي....