طارق الشناوى يهاجم بيومى فؤاد ويلتمس العذر له فى آن واحد.. اعرف التفاصيل

شن الناقد طارق الشناوى هجوما حادا على الفنان بيومى فؤاد لعدم حضوره ندوته بقصر السينما، التى كان من المقرر أن يديرها أمس الأحد فى تمام الساعة السادسة مساء، وأعلنت إدارة القصر عن اضطرارها لإقامة الندوة بدونه وعرض فيلم "الكويسين"K وقال طارق الشناوى، فى تصريحات لـ"اليوم السابع":"ذهبت  لقصر السينما بناء على دعوة الساعة 6 مساء وفيه ندوة مع بيومى عن حياته وحضرت في معاد الندوة وكان لسه مجاش، الساعة بقيت 6 وربع وبلغونى أنه اتصل بيهم لأنه عنده اوردر تصوير مقدرش ينهيه وبدأت الندوة واعتذرت للناس وقلتلهم إنه فنان غير ملتزم لأنه لم يقدر حب الناس اللى جات عشان يسمعوه وهو لم يقدر ذلك".

وتابع في كلامه: "التصوير كان لازم يعمل حسابه ويقولهم أنا عندى معاد الساعة 6 لأنه أكيد عنده مواعيد كتير عشان بيصور حاجات كتيره وتم تحديد الندوة بناء على طلب بيومى لأن الندوة كانت مفروض الساعة 8 وكلمونى يعتذروا وقالوا لى خلى المعاد 6 عشان تصوير بيومى وأنا قدرت ده وقولت في الندوة أنه فنان موهوب بس غير ملتزم و كلمنى في الندوة القصيرة لكن مرديتش عليه لأنى كنت مش متقبل العذر لأن في اتفاق، ولما وصلت المنزل كلمنى وقال لى إن زوجته مريضة أو عملت عملية مش متذكر وده عذر قهرى و التمست له العذر".   

وذكر قصر السينما في بيان له نشره عبر فيس بوك: “"يعتذر قصر السينما عن تخلف الفنان بيومي فؤاد عن ندوته التي كان مقررًّا لها السادسة اليوم بحضور الناقد الكبير طارق الشناوي حيث لم يعتذر ولم يحضر، مما اضطر إدارة القصر إقامة الندوة بدونه وعرض فيلم الكويسين".