شيرى وهيدى يناقشان مخاطر الشك بين الأزواج بـ"راجل و2 ستات".. نصائح من نهال عنبر علشان جوزك "ميبصش برة".. دراسة: 20% من السيدات العربيات يتجسسن على هواتف أزواجهن باحترافية.. و"تعملى أيه لو جوزك مشغول على طول؟"

تناول برنامج "راجل و2 ستات"، الذى تقدمه الإعلامية شيري، والفنانتان هيدى كرم ونهال عنبر، على فضائية "ON"، عدة موضوعات متنوعة، وعلى رأسها نصائح لتجنب الشك بين الأزواج.

"إزاى تخلى جوزك ميبصش برة".. تعرف على نصائح نهال عنبر  

قدمت الفنانة نهال عنبر، عدة نصائح للسيدات، وقالت: "إزاى تخلى جوزك ميبصش برة"، مضيفة: "لازم أمسك نفسي وبلاش نكد معاكى ولما يقعد مع حد تانى يبقى مبسوط".

وأضافت: "طالما التصرف مفهوش إهانة مباشرة لو أو مبيعاكسهاش، بلاش شك".

من جانبها، حذرت الفنانة هيدى كرم، من الشك، مؤكدة أنه مرض يصيب الأزواج، مردفة: "أعرف واحدة جوزها كان بيحطلها كبريت أو خيط على الباب عشان يعرف إنها لو وقعت يبقى فتحت الباب وخرجت، لأنه مش بيثق في جنس الستات خالص".

شيرى تكشف عن دراسة 20% من السيدات العربيات يتجسسن على هواتف أزواجهن باحترافية

قالت الإعلامية شيري، إن هناك إحصائية تؤكد أن 20% من السيدات العربيات يتجسسن على هواتف أزواجهن بشكل احترافى.

وأضافت: "لاقوا فيه ستات عندهم تطبيقات ومتواصلين مع هاكر ويراقبون أزواجهن بشكل يومى"، مردفة: "لما تليفونه يرن عنده دا بيرن عندها، وبتراقبه، ودخلوا في حالة عجيبة".

وأوضحت أن 40 % من الأسبانيات يراقبن هواتف أزواجهن، أما الصينيات يستخدمن نوع من عين من أجهزة التنصت وتضعه بداخل البدلة.

وتابعت: "في فيلم "البعض يذهب للمأذون مرتين" من كتر شك ميرفت أمين في نور الشريف، الراجل قالك ما أنا كده كده مشكوك فيها ما خلاص أنحرف"

"تعملى ايه لو جوزك مشغول على طول؟".. هيدى كرم توضح  

قالت الفنانة هيدى كرم، إن هناك إجابات لدى الأزواج عبارة عن "أكلشيهات" خلال تعامله مع زوجته، منها: "أنا مشغول، أنا مش فاضى، أنا فيه حاجات في دماغى، أنا مش مركز معاكى".

وتساءلت :"هل الزوج يكون مشغول فعلاً أ م يريد أن يظهر أنه بمشغول لكى تبعدى عنه، ويريح دماغه عنك؟".  

من جانبها علقت الإعلامية شيري "أحيانا يكونوا مشغولين واحنا بنبقى متسربعين"، بينما قالت الفنانة نهال عنبر:"أهم حاجة الطريقة، لما الست تكون زنانة وتقوله أنت رحت فين إمبارح؟ ويكون قدامه ناس يروح يقول أنا في اجتماع".