إزاي أخليه يصالحنى وأنا الغلطانة؟ اعرف حيل البنات لقلب الترابيزة على الرجالة

إزاي أخليه يصالحني وأنا الغلطانة؟ سؤال انتشر بشكل ملحوظ على جروبات الفيتات على موقع التواصل الاجتماعي فيس بوك، الأمر الذي تفاعلت معه الكثير من الفتيات بتقديم النصائح عن كيفية جذب الرجل ودفعه للاعتذار رغم أنها هي المخطئة، وبدأت الأفكار تنهال على صاحبة المنشور بكيفية عمل ذلك، وكانت إجابة "عيطي" هي المسيطرة بدرجة كبيرة من الفتيات، لذا طلبنا من بعض الفتيات الإجابة عن هذا السؤال.

إزاي أخليه يصالحني وأنا الغلطانة؟

اقلبي الترابيزة

تغيير الحقائق صفة تبدو ليست جيدة، ولكن يبدو أنها تؤتي بثمارها في العلاقات العاطفية، وقالت "رضوى" للإجابة عن سؤال إزاي أخليه يصالحني وأنا الغلطانة؟: "اقلبى التربيزة وافتكرى أى كلمة قالها زعلتك، أكيد قال أى كلمة وحشة أو ابعتى مسج أنا مش فارقه معاك كدا خالص أنا عايزة أكل شاورمة هتلاقيه تجاوب معاكي وكلمك مش لازم كله نكد."

أشهر جملة لقلب الترابيزة

أشهر جملة لقلب الترابيزة

اعمليله بلوك

أما "شهد" فطريقتها الخاصة تختلف كثيرًا عما سبق، وتعتمد على إثارة مشاعر القلق لديه حتى يبادر بالصلح، وعن ذلك قالت: "اعمليله بلوكات على جميع الابليكشنات.. هيقلق وهيتصل."

بلوك

اعملي نفسك تعبانة

واتفقت "مريم" معها في مبدأ القلق ولكن بطريقة مختلفة، فقالت: "نزلي استوري إنك تعبانة وإيد متعلق فيها كانيولا هيتخض ويكلمك جري."

آه يا عضمك يا رضا

سايسيه ياختي

"سايسيه ياختي.. ادلعي ياختي.. هيسيبك ياختي ويروح للي تصالحه ياااختي" كان ذلك رد "منيرة" كنصيحة للفتاة التي تواجه مشكلة مع حبيبها، حتى لا تخسره نتيجة للعند.

سايسيه ياختي

هزري معاه

وترى "ندى" أن المزاح هو الطريقة المثالية لمصالحة الحبيب، وقالت: "ادخلي قوليله أنت لسة مصالحتنيش لحد دلوقتي هو أنا هزعلك وآجي أصالحك كمان، وزعقي أهم حاجة تزعقي."

إزيك ياللي مزعلني

استفزيه عشان يضايقك وازعلي

التصيد كان طريقة "يسرا" في مصالحة الرجل، فقالت: "اتصلي قوليله مقدرش أعيش من غيرك، هو طبعا هيسوء فيها ومش هيتصالح، تقومي انتي تستفزيه فأكيد هيضايقك فتروحي معيطة وتقفلي ومتكلميهوش.. في ظرف 6 ساعات هيكون مصالحك."

أنا عايزة أعيط

واتفقت معها "منى" على نفس الطريقة فقالت: "ضايقيه أكتر، ولما يتنرفز عليكي وحتي لو بتون صوت عادي. امسكيهاله وقوليله أنت بتزعقلي. والله لاعيط وحاولي تعيطي، هتلاقيه نسي الموضوع أصلًا وبيصالح فيكي وحتى لو رجع بعد مصالحك. فرصتك معاكي تقلبي الترابيزه ف نفس الوقت.. وربنا يقدرنا علي فعل الخير."