#فشل_الزواج_فمجتمعنا_بسبب.. مغردون يعبرون عن آراءهم: خوف الأهل من المستقبل والطلبات التعجيزية وعدم المصداقية والأنانية وحب الذات.. ويضعون الحل: تربية الشباب على تحمل المسؤولية والاختيار الصحيح والتوافق الفكرى

بأكثر من 14 ألف تغريده، تصدر هاشتاج #فشل_الزواج_فمجتمعنا_بسبب، قائمة ترند تويتر فى مصر وبعض الدول العربية، عبر من خلاله المشاركين فى الهاشتاج عن آرائهم فى سبب فشل الزواج فى المجتمع، مقدمين بعض الحلول التى تساعد على استمرار الزواج ونجاحه.

 

 

ومن طرف السيدات والفتيات، رأت هبة إمام: "عدم المصداقية بين الطرفين، كل واحد فيهم بيحاول يظهر للتانى بأحسن صورة ويعدى اللى مينفعش يعديه عشان الجوازه تكمل، ولما تكمل يبان كل واحد على حقيقته وهما فى بيت واحد، فكل طرف يتهم التانى انه اتغير والحقيقة إنهم ظهروا لبعض اللى كانوا بيخفوه وده سبب الفشل"، فيما قالت روان المرادنى: "فشل الزواج فى مجتمعنا بسبب إن كل واحد بيرمى أخطاؤه على التانى، والطرفين شايفين إن التانى هو اللى بيغلط دايما وبس"

 

وقالت فاطمة على: "الأنانية وحب الذات والتسلط، حب التملك والانفراد بالرأى، قلة الصبر، لا تغاضى ولا تسامح بين الطرفين وإساءة الظن ببعضهما، وجود أطراف خارجية فى المحيط الخارجى تغذى كل هذه السلبيات التى ذكرتها، حرية المرأة واستقلالها وأنها ممكن تعيش وتنجح من غير زوج"، بينما قالت فاتن: "كل واحد مترتبط بالتانى لهدف معين، البنت فكراه مصباح علاء الدين وإن الجواز ده فسح وسهر وكلام حلو بس، والولد فى باله إنه متجوز كوبى من ماما فى تلبية الطلبات، وعايز كوبى تانى من ياسمين صبرى، ليل ونهار لابسه شيك وحاطه ميكاب وبتدلعه، إنما الاستقرار ده مش فاهمينه".