أحمد حسن: عبد الستار صبرى أحرف لاعب شافته عنيا.. وبحكى لأولادى عن مهارته

أكد أحمد حسن نجم منتخب مصر السابق، أن عبد الستار صبرى هو أحرف لاعب رأته عيناه، وقال: "أنا ابني الصغير لما أجي اتكلم معاه في الكورة بقوله عاوز تتفرج على لاعيب حريف فعلا، اتفرج على عبد الستار صبري، لاعيب حريف بطريقة رهيبة، وكان شخص محترم في الملعب وفي التدريب، وإحنا كنا دايما بنحافظ على السلوكيات بشكل كبير".

وأضاف، خلال مداخلة مع الإعلامي معتز الدمرداش ببرنامج 90 دقيقة الذي يذاع على قناة المحور: "عبد الستار صبري اتصعدنا أنا وهو للمنتخب الأول من المنتخب الأوليمبي، وقدرنا إننا ناخد بطولة كأس الأمم الإفريقية عام 1998، وعبد الستار كان في سنة 1996 ظاهر بشكل ملفت، حتى هو احترف بعدها، أنا كنت ببقى قاعد اتفرج عليه وأنا مستمتع".

وقال: "رحلة احتراف عبد الستار صبري كانت ناجحة، وأنا بكلمك كده افتكرت سرعته ومهارته وكأنه بيلعب قصادي دلوقتي".