هل سمعت عن القدم اللوتس.. رمز الجمال فى الصين قديما ما قصتها؟

الجمال أشكال وألوان، يختلف حسب الأزمنة وحسب والحضارات المختلفة، وحضارة الصين على تاريخها الطويل كان لها مفهوم فى معنى الجمال، منها ما كان منتشرا فى القرن العاشر الميلادى.

 

نشرت صفحة "بى بوست" على موقع التواصل الاجتماعى فيس بوك موضوعا تحت عنوان "القدم الذهبية أو قدم اللوتس: رمز الجمال واﻷنوثة فى الصين القديمة"، يقول فيه، انتشرت فى المجتمع الصيني من أول القرن العاشر وحتى بدايات القرن العشرين عادة ربط مُحكم ﻷقدام البنات الصغيرات حتى يغيروا حجم وشكل قدم البنت لما تكبر.

 

ويُحكى فى الأساطير الصينية عن راقصة سرقت قلب الإمبراطور لما دخلت عليه وهى لابسة حذاءً صغيراً جداً مُصمم على شكل زهرة اللوتس فأصبحت علامة من علامات الجمال، إن قدم البنت تكون أصغر ما يكون حجماً وفيها تقوُّس على شكل زهرة اللوتس، مع تغيُّر اﻷسر الحاكمة في الصين ابتدت قدم اللوتس تبقى كمان دلالة على المكانة الاجتماعية والثراء والحسب والنسب فى المجتمع بالإضافة لكونها علامة جمال فتسللت عادة ربط القدم لكل بيت صيني حابب يفتخر إن عنده بنت لازم عشان البنت قدمها تتشكِّل صح إن ربط القدم يبتدي من بدري قبل ما عظام القدم تنمو وتاخد شكلها الطبيعي، قبل ما الربط بيتم كل أصابع القدم (ما عدا الإصبع الكبير) بيتضغطوا جامد على بطن القدم لحد ما يتكسروا تماماً بالإضافة إن قوس القدم بيتم كسره عمداً عشان تقوُّسه يزيد وبعدين بيتم ربط القدم بالضمادات بإحكام.

 

بين كل حين وآخر لازم الضمادات تتفك عشان يتأكدوا إن مفيش تلوث حصل بسبب نمو أظافر الصوابع وإن مفيش غرغرينا في القدم بسبب الكسور اللي فيها وبعدين بتتلف القدم تاني وعلى حسب مقدِرة اﻷسرة المادية كانت عملية تغيير الضمادات بتتم مرة كل يوم أو مرة كل أسبوعين.

 

تُقيَّم الفتاة للزواج بعد كده بحجم قدمها، فمثلاً القدم الذهبية حجمها مش بيزيد عن 7 سم أما القدم الفضية حجمها مش بيزيد عن 10 سم، أما البنت اللي مخضعتش للعملية دي فليست أهلاً للزواج من حد مرموق في المجتمع وبتبقى في مكانة الخادمات اللواتي لا يُنظر لهن

سبب الوفاة اﻷول من ربط القدم هو التلوث نتيجة سوء الاهتمام بتغيير الضمادات ولكن حتى لو ده محصلش فعظام القدم بتفضل هشة ومش بتستحمل وزن البنت لما بتكبر وده بيؤدي لإعاقات في الحركة من سن صغير.

 

في أوائل القرن الـ20 ومع انفتاح الصين على العالم ابتدت عادة ربط القدم تنحسر وابتدى يبقى فيه اهتمام أكتر بصحة المرأة كفرد عامل في المجتمع وبحلول عام 1999 اتقفل آخر مصنع لأحذية اللوتس في الصين.