سمير غانم: "أنا الحمد لله بخير.. لو رحت أخلع سنانى يقولك بيغير رقبته"

قال الفنان الكبير سمير غانم، إنه لو أحد رآه يخلع أسنانه يكتب خبرا، مضيفا: "يقولك راح يغير رقبته".

وأضاف، خلال مداخلة هاتفية لبرنامج "التاسعة"، عبر القناة الأولى المصرية، مع الإعلامى وائل الإبراشى: "الحمد لله ربنا مدينا القوة إننا ندى للناس اللى بتحبنا"، مردفاً: "بتضطر فيه حاجات نصلحها أو قطع غيار عاوزة تتغير نضطر نروح للدكتور".  

وتابع سمير غانم: "أنا الحمد لله بخير، وحالياً بصلح شوية حاجات، والفنان زيه زى أي مواطن معرض لأى حاجة، وأجمل شيء حب الناس"، مشيرا إلى أنه سيشارك في المسلسل المقبل مع الفنانة دنيا سمير غانم.

وعن القنوات الإرهابية قال: "ممكن لما تبقى متضايق وعاوز حاجة تسليك تروح للقنوات دى، المفروض يخلوا المجهود دا لخدمة البلد، ربنا يهديهم وأهى كورونا موجودة مبتخليش حد".