هيدي كرم ترد على سؤال "لو جوزك قالك انتي تخنتي هتعملي إيه؟": الكلمة تقتلني

علقت الفنانة نهال عنبر، على توجيه بعض الأسئلة المحرجة من بعض الأشخاص القريبين، خاصة الزوج وزوجته، وقالت: "هل يفرق كتير لو اللي بيسألني انتي تخنتي ده يكون راجل أو ست، يعني مثلاً لما يجي جوز ويسألك أو يعلق على وزنك أنت ممكن تعملي إيه في الحالة دي، فيقوم قايلك انتي تخنتي أوي كدة ليه".

وردت الفنانة هيدي كرم، خلال برنامج "راجل و2 ستات" الذي تقدمه الإعلامية شريهان أبو الحسن وهايدي كرم ونهال عنبر، والذي يذاع على قناة ON: "أهي كلمة زي دي لما تتقالي من جوزي ممكن تقتلني، أنا ميهمنيش الكرة الأرضية تعلق عليا تقول إيه، لكن لو جوزي جه قالي انتي تخنتي، أنا ممكن أعيش على الهوا".

ومن جانبه قالت الإعلامية شيري: "في الحالة دي انتي لا تردي ولا تقولي حاجة، انتي تعملي فعل على طول، لأن لو اتخانقتوا هتفرق فإيه، لازم تتصرفي تصرف عملي، تتحركي تلعبي رياضة تمشي على التراك وهكذا".