عارفة عبدالرسول: أبويا كان بيشتريلى المايوهات وقالولى هتفضلى كومبارس طول عمرك

كشفت الفنانة عارفة عبد الرسول عدداً من الجوانب الخفية في حياتها، حيث قالت إنها بدأت التمثيل في القاهرة منذ عام 2006 وعمرها 52 عاماً، مشددة على أنها حينما قررت القدوم من الإسكندرية إلى القاهرة قال لها المقربون لها: "هتروحي تعملي إيه دول غيلان وهتشتغلي كومبارس طول عمرك".

وأضافت عارفة عبد الرسول، في الحوار الذي انفرد به تليفزيون اليوم السابع معها للحديث حول عن أزمة المايوه الأخيرة، وكذلك الجانب المهني والحياة الشخصية لها: "احنا مولودين على بحر إسكندرية أنا من جيل الستينيات والسبعينيات عيشنا حياة جميلة في إسكندرية وأبويا كانت بيجيبلنا مايوهات كل سنة وبننزل بـ(المني جيب) والمايوه، ومفيش التحرش والغم اللى موجود دلوقتي وكان عندي عجلة بروح بيها الكلية".

وتابعت عارفة عبد الرسول: "كنت في إسكندرية بعمل مسرح لكن ده إقليم ومحدش شايفني وأنا عندي زوج وأولاد، ولما أولادي كبروا واتخرجوا قولت ليهم خلاص أنا أديت رسالتي وبدأت ألف على مكاتب التمثيل وأنا عندي 52 علشان أدي دور".

في سياق متصل قالت: شاركت في مسلسل (أنا عايزة أتجوز) قولت جملة في ومفيش عندي واسطة وقريبي في الفن من 2006 وأنا في القاهرة بلف على كعوبي ومن وقتها بعمل دور في فيلم، أو بقول جملة في مشهد.