اليوم العالمى للقهوة.. اعرف سر صنعة الكنكة والسبرتاية لعشاق المذاق الأصلى

تجذبك رائحتها من بعيد، فهى قادرة على تغيير حالتك المزاجية مهما كانت، تلك الحبة البنية المحمصة التي عشقها الكثيرون، أجبرت العالم على فرض يوم عالمي للاحتفال بها، فنجان من القهوة كل صباح تستطيع من خلاله أن تنجز مهامك بمنتهى التركيز والسرعة، فهو المشروب الأشهر بأشكاله المختلفة على مستوى العالم وأكثرهم مبيعًا.

احتفل" اليوم السابع" باليوم العالمي للقهوة ولكن بطريقته الخاصة، حيث ذهب إلى إحدى الورش المعنية بصناعة طقم القهوة والمكون من "الكنكة والسبرتاية والصينية والبنانة والسكرية وفى بعض الأحيان الفنجان".

عبدة البرامونى صاحب ورشة تصنيع الصينية والكنكة

داخل ورشته في حى الجمالية تجده، رجل سبعينى يجلس أمام مكتبه الذي لا تفارقه "صينية القهوة" بمكوناتها الأصيلة " سبرتاية، كنكة، سكرية، بنانة وفنجانان "، الحاج عبده أحد عشاق فنجان القهوة يحكى لنا أصل الحكاية مع السبرتاية والكنكة "ولا تحلى القعدة مع الأحبة إلا وبينهم صينية القهوة ".

القهوة متتشربش إلا فى كنكة نحاس وعلى سبرتاية، غير كده ميبقاش مزاج"، بهذه الكلمات بدأ الحاج عبده البرامونى صاحب واحدة من أقدم ورش تصنيع "الكنكة والسبرتاية"، حديثه وهو  متمسكا بموقفه من طريقة إعداد القهوة وشربها.

طقم القهوة كامل

يقول البرامونى" فنجان القهوة ده لازم الواحد يشربه الصبح عشان دماغه يكون مظبوطة يعنى من غيرها الواحد يكون مش مركز، وكمان لازم تكرر كمان العصر، وبعدين أهم حاجة في شرب فنجان القهوة أنها تكون معمولة على السبرتاية،  وفى الكنكة النحاس اللى بتدى طعم للقهوة".

وتابع عاشق القهوة" الكنكة بتكون متبيضة من جوة بقصدير طاير وهو بيدى طعم مختلف وظبوط ولذيذ للقهوة، أما السبرتاية فهى من زمن الزمن أهالينا وجددنا كنا بنشوفهم يجبوا الصينية وفيها السبرتاية بالكنكة بالبنانة بالسكرية، ويتلفوا حواليها ويشربوا القهوة، ويضحكوا ويقضوا وقت ممتع مع فنجان القهوة".

فى اليوم العالمى للقهوة

وأكمل البرمونى " السبرتاية والكنكة تصنع من النحاس، يبدأ النحاس يركب على المخرطة عشان يتشكل، وبعدين يتجلى وبعدين يتنقش، وبعدين يتنظف وينشطف، وبعدين يدخل مرحلة تانية اسمها اللحمات، وبعدين يدخل على حاجة اسمها فرشة ودى بتلمعه،  وبعدها يتحط في قلب الكيس، كل حته من مجموعة القهوة بتتشطب لوحدها سواء كانت الصينية أو الكنكة أو البنانة أو السبرتاية أو السكرية".

فى اليوم العالمى للقهوة

واستطرد البرمونى صاحب أقدم ورشة لصناعة صينية القهوة النحاسية كاملة " تختلف الأسعار حسب المقاس في السبرتاية سعرها 40 جنيه وغيرها 60 و 80 و 90 جنيه،  والكنكة بتبدأ من 25 لحد ما بتوصل 65 جنيه".

وأنهى عاشق القهوة حديثه قائلًا "أشرب القهوة في الفنجان أو الكوباية الإزاز عشان أشوف القهوة بعنيا شكلها جميل، لكن لو في فنجان فخار ماتكونش حلوة ".

فى اليوم العالمى للقهوة

فى اليوم العالمى للقهوة 

اليوم العالمى للقهوة