متصدقوش كلام مصدره مجهول.. عمرو أديب يعلق على انتشار الشائعات

علق الإعلامي عمرو أديب، على الشائعات التي أطلقها أعداء الوطن في الفترة الأخيرة من أجل تضليل المواطنين، وقال: "أول ما ظهر كورونا، طلعت شوية شائعات أن مصر بتعمل مقابر جماعية، لكن في الحقيقة هي كانت بتجهز المستشفيات وبتاخد إجراءات احترازية لمنع انتشار العدوى، وكمان الشائعات اللي كانت عن امتحانات الثانوية العامة، وقالوا الحكومة بتموت الولاد، والموضوع عدى وعلى أكمل وجه والولاد كلهم زى الفل".

وأضاف عمرو أديب خلال برنامج "الحكاية" الذي يذاع على قناة mbc مصر: "بالنسبة لموضع الفيرمونت، فالدولة خدت كل إجراءاتها عشان تكشف الحقيقة كاملة، ومتسمعش كلام اللي يقولك دول ولاد أغنياء محدش هيجي ناحيتهم، احنا عندنا نائب عام قوي وبياخد إجراءات قانونية وبسرعة، وفي ناس بتحاول تاخد القضية دي على أنها فسق وفجور، لكن أنا شايف أن كان فيها اغتصاب واغتصاب وحشى".

وقال: "الدولة تقدر تعاقب أي حد لو أساء، أي حد أيا كان هو عمل إيه، مفيش حد هيكون في القانون، الدولة دي بقت قوية بالعدل والحق، ومش هتسيب أي مذنب، اللي كدب عليكو مرة هيكدب كل مرة.. متصدقوش كلام مصدره مجهول".