القارئ طلعت مصطفى العواد يكتب: ألفين سلامة

ألفين سلامة لأهل البلد وزيادة

أصلك كبيرة الشرف ولادة

أهتف بقوة يحفظك رب دايما

من الأيادى أو عين كيادة

يلى جمعت الشعب ويه الشورى

ده الحق بيجرى فى الوريد مش صورة

فاتحة دراعاتك والكل أحبابك

لا فوت كده أو نعملك كورة

ياما مشينا آه ورا النايب

وأجرى وأحمل فوق كتافى الدايب

مرة ضنـــــــايا اترمى واتلوى

رحت لسعادته ردنى خايب

يا أهل البلد يلى نحط إيد فى الإيد

واحنا معانا قلب وفكر جديد

نبنى نعمر لولادنا الجايه

والخير حوالينا يكتر ويزيد