الموضوع بقى سياسى.. عمرو أديب يعلق على اقتراب أمريكا من الوصول للقاح كورونا

علق الإعلامي عمرو أديب على اقتراب الولايات المتحدة الأمريكية للوصول إلى لقاح لفيروس كورونا، وقال: الأخبار اللي جاية من أمريكا بتقول أنهم بيجهزوا أماكن عشان الناس تاخد فيها اللقاح، لكن أحنا واصلين لمرحلة في أمريكا، أن الناس اللي ضد ترامب مش عاوزة اللقاح يظهر علشان ده ميساعدش ترامب في النجاح في الانتخابات، والموضوع بقى سياسي بحت والكلام بقى علنا".

وأضاف الإعلامي عمرو أديب ببرنامج "الحكاية" الذي يذاع على قناة mbc مصر: "ترامب النهاردة اتكلم وقال سواء موضوع اللقاح ده سياسي أو لا، أنا الشركات الكبيرة بتاعتي بتجري التجارب النهائية في اللقاح، وقربت تنتجه، وأنا شايف أن ده رد في منتهى الذكاء، وبالنسبة للاختبارات، أنا لو حد جه قالي ده لقاح ضد كورونا تعالى خده، هاخده وهغامر، وفي ناس كتير ترفض خطوة زي دى".

وقال: "في الوقت اللي كل الشركات في العالم قربت توصل للقاح، ياترى هنختار أنهي لقاح فيهم، ياترى الروسي اللي شغال بهدوء وعلى نار هادية، ولا الأمريكي ولا اكسفورد ولا السويسري ولا إيه بالظبط، الـ 20 يوم الجايين هيكونوا حاسمين في القصة دي".