باسم سمرة لـ عمرو أديب عن أزمته مع رحاب الجمل: "أي حد هيتكلم عنى هزعله"

رد الفنان باسم سمرة على الفنانة رحاب الجمل بعد هجومها عليه من خلال نشرها منشور وصفته خلاله بالممثل "السكران"، واتهمته بالتطاول عليها وعلى زملائها خلال البروفة الخاصة بالفيلم الذى يجمعهما وهو "ديك العياط".

وقال باسم سمرة، خلال مداخلة هاتفية مع عمرو أديب بعد أزمته مع الفنانة رحاب الجمل: "هي فكرت إني السبب في إني مشيتها من فيلم ومسلسل أنا البطل فيهم، أنا مش عايز أطلع بدور البريء.. أنا أعرف أخد حقي بدراعي".

وأكد باسم سمرة: "والله ما كان في ممنوعات في القعدة، وأنا معرفهاش أصلا، وكنا في فندق شهير وفيه كاميرات وكله يقدر يتأكد، كل واحد عايز يتشهر هيدخل معايا في خناقة! حاجة غريبة جدا، وأنا آخر مرة جايبها من القسم أساسا، وأي حد هيتكلم عني تاني هزعله بجد يعني".

فيما أكد مخرج فيلم "الديك العياط" وائل الرومي على كلام الفنان باسم سمرة: "أقسم بالله الاجتماع اللي إحنا فيه مكنش فيه أي ممنوعات، وأنا فوجئت بما قيل من رحاب الجمل، والخلاف الرئيسي هو أن رحاب الجمل عندها سفر يوم 14 يناير الجارى، وكل التصريحات التى خرجت عن لسانى غير حقيقية وكذب فى كذب".

وكانت رحاب الجمل، قالت في تدوينة عبر حسابها على موقع "فيس بوك": "الممثل السكران.. لما تبقى سكران وتدخل فرح وتضرب زميل نجم بالكوع ويسامحك لأنه مستغلبك ومستضعفك.. أنت بقى تعتبر إن ده حق مكتسب.. وبعدها بحوالي شهرين تدخل حفلة وتشتم وتهين مغني شاب، ويكبر للناس اللي اتدخلت في الموضوع ويسامحك برضو تعتبره حق مكتسب".