أبو طالب العيسوي ينهار بعد هزيمة الإسماعيلي : مش عارف أفرّح الجماهير

انهار أبو طالب العيسوي، مدرب النادي الاسماعيلي، على الهواء، خلال تصريحاته عقب خسارة الدراويش، بهدف نظيف أمام المقاولون العرب، في مباراة الجولة السادسة والمؤجلة من عمر مسابقة الدوري العام، والتى جمعت الفريقين على استاد الإسماعيلية.

وقال العيسوي، عبر قناة أون تايم سبورت: أنا ما يهمنيش أشيل مسئولية واتحمل في بعض الناس بتضغط وتهاجم وتقول كلام جارح، الناس اللى بتحب النادي بتقف جنبه، ولكن هذا بدافع حبهم وخوفهم على النادي، وأنا بقولهم أنا مش زعلان منكم، التدريب مهنة التعب ولازم نكون قد التعب ده.

واصل العيسوى كلامه، التوفيق هو أهم شىء، لو أنت أكثر مدرب ناجح ولكن لا يحالفك التوفيق لن تحقق انتصارات، ولكن إذا حالفك التوفيق ستفوز على أي فريق، الأداء في مباراة اليوم، كان الإسماعيلي أحق بالفوز فرق هدفين وثلاثة.

واختتم، جمهور الإسماعيلي هو الوحيد اللى الواحد حزين عشانه، نفسي أفرحهم مش عارف، نفسي يقولوا إني مدرب كويس نفسي في فرصة لكن ربنا مش رايد الحمدلله، أنا نفسي أفرح وأقول للناس إني مدرب كويس، لكن دي مش بإيدي التوفيق بتاع ربنا.