محمد نجاتى: يوجد فنانين صف أول حققوا نجومية زائفة والجمهور فى الشارع رافضهم

قال الفنان محمد نجاتى، إن ما يعيش فى العمل الفنى هو الكلمة وليس آى شيء آخر، مضيفا: "في تريند من أيام طلع وكسر الدنيا اسمه "ده هاني" وفى تريند لأغنية مهرجانات، الحاجات دي محدش هيفتكرها، لكن ممكن تقولى فيلم "ضد الحكومة" ده تريند لآنه عايش لغاية دلوقتى وقدر يأثر وشكل ومش قد إيه ضحك، في حاجات بتبان من براها براقه لكن من جواها لا شيء وإن كان فيها شيء فهي فساد وشر كبير.

وأضاف الفنان محمد نجاتي، قائلا:" أسهل حاجه في الدنيا أن الشخص يعمل تريند، لكن من يحقق نجومية زائفة هيعرف أنه معلمش حاجه لما يعدى الوقت وهو لم يحقق شيء والنجومية غير موجودة على أرض الواقع، في نجوم موجودين صف أول وهما في الشارع مش صف أول والجمهور رافضهم، لكن السوشيال ميديا والدعم بيحطهم غصب عن الناس، فعلا النجومية اللى موجودة بهذا الشكل لا تعبر إطلاقا عن الحقيقة، ويمكن النزول للشارع وسؤال الناس هل فعلا الجمهور بيحبه ولا لأ، مشيرا إلى جمهور السوشيال ميديا ليس هم جمهور الشارع، ولكن جمهور السوشيال نسبة من جمهور الشارع، لأن السوشيال ميديا يكون من خلال صناعة شيء معين ومحترف سوشيال وليس جمهور.