نجل شقيق العندليب: عبدالحليم حافظ كان بيقول "أنا بقطع فى الصلاة بس هخش الجنة"

قال محمد شبانة، نجل شقيق عبدالحليم حافظ، إن الصورة المتداولة للعندليب أمام مقبرته بالبساتين "فوتوشوب"، مضيفاً الأرض اشترها فى عام 76 كانت أرض فاضية وبعد وفاته بـ3 أيام بدأوا فى بناء الحجر والجدران.

وأضاف في حواره لـ"تليفزيون اليوم السابع"، أعده محمد محسوب، وأجرته رغدة بكرة ،: العندليب كان بيذكر ربنا في كل خطوة، كان مؤمن بربنا، متابعا: كان بيقول أنا بقطع في الصلاة ومبصومش علشان صحتى بس هخش الجنة قبلكم".

في سياق متصل قال: العندليب كان دايما يقول توكلت على الله، وإن شاء الله، وبإذن الله، وكل كتاباته على أوراقه مكتوب عليها كدا، حتى مكالماته كان بيقول فيها كلمة ربنا دايماً، وبيقول "كل شيء هيتم بإذن رب العباد".

وتابع: عبدالحليم كان طيب واللى في قلبه كان على لسانه، وربنا طلعه على وشه.