زوجة نبيل فاروق لتليفزيون اليوم السابع: والدى قاله تتجوز إزاى وماعندكش شقة؟

كشف السيدة ميرفت زوجة الدكتور نبيل فاروق، قصة زواجها وتقدم الراحل لخطبتها، موضحة أنه بعد تخرجه من كلية الطب اختار أن يذهب إلى محافظة قنا ليتمكن من العمل، مستطردة: "قابلتنا مشاكل مادية ولكن ربنا سهلنا ، وطلباتنا كانت بسيطة جدًا، وكان إنسان كويس".

وعن تفاصيل الزواج وطلبات والدها، قالت خلال حوارها على تلفزيون اليوم السابع :"والدي قال له عندك شقة؟.. فقاله لا.. قاله آمال جاى تتجوز إزاي؟.. فقال له إن شاء الله بكافح وبشتغل وكان بيشتغل في حاجات تانية ومهن أخرى بخلاف الطب زى الرسم والتصوير.. كان غاوى التصوير من صغره، وكان بيرسم رسوم كاركتير على الحائط، وشكبتي كانت بمبلغ بسيط بس كنت راضية بيه ".

وواصلت: "ارتبطت بيه عشان كان راجل بمعنى الكلمة، مش في شهادة الميلاد بس.. كان يمتلك أخلاقيات وصفات غير موجودة لدي كثيرون، وقبل تخرجه من كلية الطب، قال أنا هطلع كاتب مش دكتور، قلت له أهم حاجة تاكون إنسان ناجح".

وواصل:"كان بيبعتلى جوابات خلال فترة عملة بقنا .. جواباته رومانسية.. وهو شخص محب للحرية وكانت بيتأخر في شغله، ويبات أحيانًا في المكتب، وطبيعه شغله لم تكن تقليدية، وكان يعمل ندوات أحيانًا في المكتب للشباب.. ولم أشكل أي عائق أمامه في هذه النقاط".