مدام أمل لتليفزيون اليوم السابع: لما ضرتى بتغيب بحس إن فيه حاجة نقصانى

قالت مدام أمل إنها عاشت مع زوجها في شقة بمفردها لمدة 6 أشهر دون أن ترى ضرتها، مشيرة أنها وبعد حملها طلب رؤية من زوجها رؤية ضرتها.

ومن جانبها قالت مدام إيمان في تصريحات لتليفزيون اليوم السابع، أنا فور عملها بحمل ضرتها شعر بضيق وتابعت قائلة:" بعد شوية رجعت قولت دي حاجه بتاعت ربنا ودى حاجة مكتوبة ان جوزي يخلف من مدام أمل، وكلام زوجي عنها خلى مفيش أي بغض أو ضيق وبعد كده خلاص" وتابعت:" زوجى قالى أن ضرتى طلبت تشوفني، وانا وافقت وقالى هنتقابل في مكان برة في يوم أجازته، وعملت أكل وخرجنا ولما قابلتها زوجي سابنا لوحدنا وفضلنا نتكلم واتعرفنا على بعض وقالتلى انها حامل في بنت وبعد ما روحنا قولت لزوجني انى ارتحتلها".

وتابعت مدام إيمان قائلة: غيرت الستات كانت في الأول، ولما كان زوجي يجي عندي وبعدين يمشي ببقى زعلانه ومضايقة ونفسى يقعد معايا وبمر بأيام صعبه، لكن بعدين كنت برجع أفتكر أنها كويسه ودلوقتى بقينا زى أخوات مع بعض، وتابعت أنها عاشت مع ضرتها في بيت واحد بعد زوجها بـ 3 سنوات.

ومن جانبها قالت مدام أمل:" أولادى الأربعة بيحبوا مرات ابوهم أكتر مني وحبهم الزيادة ليها بسبب حنيتها عليهم أكتر مني، وبتخاف عليهم أكتر مني وعندها لهفة وخوف عليهم، وهيا ممكن تتعصب عليهم وتضربهم في أي وقت وهى أمهم تعاقب وتلعب معاهم براحتها.

وأضافت مدام أمل قائلة:" من كتر حبي لضرتي لما بتروح لوالدتها بسبب مرضها أيام الخميس والجمعة بتصل بيها 30 مرة وبخلص رصيدي عليها، وببقي في حاجة نقصاني"، وتابع:" معنديش أخوات بنات، وكنت بسمع أن ضرتي بتنصرني على زوجي، وعرفت ده من ناس برة، وحد زى ده ممكن الواحد يعمل معاه إيه".