محمد فؤاد لتليفزيون اليوم السابع:بخاف أزعل حد وده مش ضعف .. الأدب حلو

قال النجم محمد فؤاد خلال حواره مع الزميل علي الكشوطي علي تلفزيون اليوم السابع، إنه رجل "يخاف من ربنا وبعتبر أن الأدب حلو وسكوتي علي المنتقدين مش ضعف على حالة الانتقاد اللى بتعرض ليها من خلال السوشيال ميديا"، أنا بخاف من ربنا وبخاف استخدم لسانى بشكل يزعل الناس وده مش ضعف".

وحل النجم محمد فؤاد ضيفا على الزميل على الكشوطى فى لقاء بتليفزيون "اليوم السابع"، تحدث خلاله عن أغنيته الجديدة "الحفلة"، التى أثارت الكثير من الجدل، ورد على منتقديه، وكشف عن أعماله الجديدة.

وقال النجم محمد فؤاد، فى حواره لتليفزيون "اليوم السابع" "الجدل اللى حاصل على أغنية الحفلة مش مفاجئ بالنسبة لى ومتوقع، والحمد لله اشتغلنا على إننا نعمل أغنية تشد الناس وتطرح تساؤلات، البعض يعجب بيها ويتقبلها، ناس تانية ترفضها، ده طبيعى وده من أيام كمننا وحيران، وأغنية فالسكة فالسكة، الحمد لله بنقى الحاجة الغريبة على ودان الناس وتخلق حالة من الجدل، أى حاجة جديدة بتخض فى الأول".

وأضاف فؤاد: "لازم نجدد ونفكر فى اتجاهات مختلفة وندور على أغانى برة الصندوق، ونكسر حالة الملل ونفوق الناس، الأغنية ليها هدف نبيل وهو إنها تخرجك من حالة الإحباط وتشاور على مربع من التفاؤل".