عمارة: كيروش فارض شخصيته.. وأبو جبل وبسام فى مستوى الشناوى

علق محمد عمارة، نجم منتخب مصر السابق، على فوز الفراعنة بثلاثية نظيفة على المنتخب الليبي في الجولة الرابعة من التصفيات الأفريقية المؤهلة لكأس العالم قائلا: "واضح أن المدير الفني فارض شخصيته على اللاعبين، وتحديدا خط الدفاع هم الأنسب، كنا بنعاني من الأطراف وحاليًا بنتحسن".

وأضاف خلال تصريحات تليفزيونية: "بصمة الراجل بتظهر مرة في مرة، والدوري محتاج يشتغل بانتظام وبأريحية، الراجل ده هيبني منتخب كويس".

وتابع: "مش عاوز الناس تبقى متحاملة على عصام الحضري، في بداية مشواره مع التدريب، ممكن الإشارة بتاعة الشناوي انه كان عاوز يكمل وكان حريص أنه يبقى منضم".

واستطرد: "لو الشناوي 60% سليم هغامر وهلاعبه، في رأيي إن ابو جبل ومحمد بسام لا يقلوا عن محمد الشناوي".

وأردف عمارة: "ممكن يكون الشناوي اتسال وقال أقدر العب مش عاوزين نظلم الحضري، الحضري عاوز ينجح هيكون عاوز يلاعب الأنسب، هو مش بينافس الشناوي، الناس متحاملة على الحضري".