طارق الشناوى: عمرو دياب استوحى بعض أغنياته من حكم "التكاتك"

تحدث الناقد طارق الشناوى عن تسيد النجمين عمرو دياب ومحمد منير الساحة الغنائية خلال الأربعين سنة الأخيرة، وذلك خلال حلوله ضيفا على برنامج "التاسعة" الذى يقدمه الإعلامى يوسف الحسينى على القناة الأولى المصرية.

وخلال اللقاء قال طارق الشناوي: "هما عملوا حاجة مهمة جدا، مدخلوش في معارك ضد أي حد بيطلع، اللي يطلع وينجح ينجح، وأستفيد منه، أفهم هو نجح ليه. حتى لو إنت بتغنى مهرجانات أو راب، أو بتغنى كلام ممكن أنا مقدرش أقوله، أستوعب كل حاجة."

وأضاف: "مثلا عمرو دياب استفاد من التكاتك، لو إنت بتتابع التكاتك حتلاقي دايما على ظهر التوكتوك حكمة مكتوبة، الكلام ده ثقافة، والثقافة دي حتلاقيها في أغاني المهرجانات، هو خدها ناحيته وقدمها."