الرئيس السيسي: الرقمنة بتخلينا نشوف كويس.. وفى بطاقة باسمى بيصرف بيها تموين

قال الرئيس عبد الفتاح السيسي، إن هذا الوضع من البناء غير المخالف والمناطق غير الآمنة اتشكل على مدار 50 لـ 60 سنة الماضية، متابعا: "حلمنا نخلصه فى سنوات قليلة وده فضل كبير من ربنا.. وجزء كبير من القضية دى مرتبطة تماما بالنمو السكانى".

وأضاف الرئيس السيسي خلال كلمته في افتتاح مشروعات إسكان بديل المناطق غير الآمنة: "عدم وجود رقمنة للدولة المصرية خلنا مش شايفين كويس وضع بلدنا.. والكلام ده استمر.. بياناتنا مش واضحة وبالتالي حصل استقرار لواقع مش دقيق ومش مظبوط وفيه فساد".

وتابع الرئيس السيسي: "ليا بطاقة فى المنيا باسمى بيصرف بيها تموين.. وفيه ناس موجودة مش بتاخد البطاقة ومش تعرف أنها مستخدمة فى أماكن أخرى.. الرقمنة اللى بنعملها الهدف منها إننا أكون شايفين كويس.. وشايفين المجتمع كويس حتى ياخد كل إنسان حقه".