شوبير: محمد شريف لازم ينسى المنتخب.. وموسيمانى يبعد عن "السوشيال ميديا"

طالب الإعلامى أحمد شوبير محمد شريف مهاجم الأهلى بنسيان مسألة استبعاده من صفوف منتخب مصر حتى يستعيد فورمته التهديفية ، وقال شوبير فى برنامجه الإذاعى عبر أون سبورت إف إم:"فين روح الأهلى أمام الحرس الوطنى ، فين الاصرار ، فين تجهيز اللاعيبة، فين الماتشات الودية ياموسيمانى اللى كان المفروض تلعبها عشان تجهز اللاعبين".

ويضيف شوبير:" محدش بس يقول موسيمانى مدرب سيىء ، موسيمانى حتى الان لم يخسر أى مباراة أفريقية مع الاهلى وفاز على عتاولة أفريقيا الترجى والزمالك والوداد المغربى وصن دوانز ، بس لازم يخف السوشيال ميديا شوية وكلامه مع زوجته عن تمديد العقد كل شوية ، جمهور الاهلى مش بيتسحمل كتير".

وأكمل شوبير:"فين شكل الأهلى أمام بطل النيجر، الأهلى لعب 90 دقيقة بدون تسديدة على المرمى مفيش عرضية ليه بقى 2 ركنية ، وعلى فكرة على لطفى لايتحمل مسئولية الهدف ، ولازم محمد شريف ينسى قصة استبعاده من المنتخب ضيع كور خطيرة امبارح ، لازم ينسى الاستبعاد عشان الاهلى هو اللى هيرجعه المنتخب مرة ثانية ، معنديش شك أن الاهلى هيكسب هنا ويصعد بس الاداء لازم يبقى افضل".

وعن الزمالك علق شوبير:" الفريق قدم مباراة مميزة أمام توسكر الكينى ، والفريق كان راكب الجيم من اوله ويستحق الفوز وهيكسب كتير هنا فى العودة".

وعن رابطة الاندية قال شوبير:" فى ناس عايزة تعطل مسيرة رابطة الاندية ، وبعدين هحكى بيعملوا ايه بس لازم اقولهم محدش وصى على الكرة المصرية ، والدوري مش بتاع حد ".

وصلت بعثة فريق النادي الأهلي القاهرة فجر اليوم، الأحد، قادمة من النيجر عقب التعادل بعد خوض مباراة الحرس الوطني، التي انتهت بالتعادل الإيجابي 1/1 في ذهاب دور الـ32 لدوري أبطال أفريقيا.