محمد هنيدي: مش بحب أفلام الرعب وزوجتى كانت بتتفرج عليها لغاية لما تعبت

حل النجم محمد هنيدي ضيفا في برنامج "معكم" للإعلامية منى الشاذلى، المذاع على قناة Cbc، وتحدث خلال الحلقة عن نوعية الأفلام التي يحبها والتي لا يحبها، قائلا: "أنا مش بحب أفلام الرعب أنا بكون مهيأ نفسى عاوز أشوف كوميدى أو أكشن أو اجتماعى، طب ليه أقرر إنى أروح أخاف، فأنا مش بتفرج على أفلام رعب".

وتابع محمد هنيدى: "لكن زوجتى كانت زمان بتتفرج على أفلام الرعب لغاية لما تعبت، وفى مرة قالتلى تعالى اتفرج معايا ولقيته فيلم يأذى جدا فسيبتهم وروحت غرفتى، وبمجرد ما روحت النور قطع ولقيت صراخ جاى منهم".

وعن أصعب مشاهد الأكشن الذى تعرض له قال هنيدي: "أنا بصاحب المخرج من الأول عشان أحنن قلبه شوية عليا في مشاهد الأكشن، وأصعب مشهد أكشن لما طيرنا في الجو لمسافة 25 مترا في فيلم فول الصين العظيم، والقنبلة انفجرت ورانا، وأنا كنت قلقان من المشهد من أول ما قرأته في السيناريو".

وأضاف: "القنبلة مكنتش جرافيك وكانت حقيقية وحسيت بالصهد وأنا فوق، وفضلت متوتر وكل الناس بتطبط عليا، فقلت أخرج بره اللوكيشن اتمشى شوية وأجى، ومشيت بعيد والدنيا كانت ليل، وفجأة لقيت واحد أسمر طويل، فاتخضيت وقالى إنما المؤمنون أخوة، فقلتله ونعمة بالله، وبعدين بلف أشوف اللوكيشن حسيت إن لسانى اتشل، وقالى وقتها إنه إمام مسجد القرية اللى بنصور فيها".

محمد هنيدي فى ضيافة منى الشاذلى

محمد هنيدي فى ضيافة منى الشاذلى

محمد هنيدي فى ضيافة منى الشاذلى

محمد هنيدي فى ضيافة منى الشاذلى

محمد هنيدي فى ضيافة منى الشاذلى

محمد هنيدي فى ضيافة منى الشاذلى

محمد هنيدي فى ضيافة منى الشاذلى

محمد هنيدي فى ضيافة منى الشاذلى

محمد هنيدي فى ضيافة منى الشاذلى