مزاج الملوك.. أنس طالب جامعى الصبح وبالليل أشهر بياع مقرمشات ومكسرات والكاجو عنده ب155 جنية.. بدأ بمحل صغير واللي معاه فلوس بياكل واللي مش معاه برضوا بياكل

" أنا طالب فى كلية التجارة  وكان لازم اشتغل خلال دراستي ففكرت وعملت مشروعي الخاص مزاج الملوك لبيع المقرمشات والمكسرات والقهوة  وبسعى كل يوم وبحاول أجتهد في دراستي وشغلي ونفسي أحقق حلمي ومشروعي يكبر ويكون عندى فروع كثيرة   ".. بتلك الكلمات بدأ  أنس يروى تفاصيل حكايته مع مشروعه الذي حقق حلمه فيه مع دراسته الجامعية.

وقال أنس صالح ل" اليوم السابع " انا بدرس في كلية التجارة جامعة عين شمس وخلال دراستي فكرت إني اشتغل ويكون لي حلم أسعي علي تحقيقه بجانب الدراسة  بالجامعة فكانت الفكرة ان يكون لي مشروعا خاص أعمل به وقت فراغي من الدراسة والمذاكرة وبدأت بمحل لبيع المكسرات بكل أنواعها والمقرمشات والشيكولات والقهوة واطلقت عليه مزاج الملوك لأن كل المنتجات اللي ببيعها في المكان تعتبر اكل مزاج وعندى الأسعار في متناول الجميع وأجود المنتجات .

وأضاف أنس الحمد لله ربنا كرمني واصبح عندى 3 فروع للمحل ويوجد في كل فرع منتجاتنا من المكسرات والكاجو ب155 جنية  والمقرمشات والفستق الجامبو ب230 جنية ولوز محمص 175 جنية وعين جمل امريكى  190 جنية وطوال الوقت بحاول اعمل عروض خاصة لكل عملائنا ويوجد في المحل مكان خاص للقهوة بجميع أنواعها والتحميص بيكون يوم بيوم وأسعار القهوة السادة ب 230 والمحوج 270 جنية باللإضافة لجميع انواع الشيكولاتات المصري والمستوردة ونفسي حلمى اللي بدأته يكبر يوم ورا يوم ويكون عندى 100 فرع علي مستوي المحافظات.