أحمد فتحي: أدعو كل مواطن مصرى للتبرع لمساعدة أهل أسوان فى محنتهم

قال أحمد فتحي، لاعب المنتخب الوطني ونادي بيراميدز، إنه يجب على كل مواطن مصري التبرع من أجل مساعدة المتضررين من السيول في أسوان، متمنيا أن يساعد الناس ولو بشىء بسيط من كل شخص.

وأضاف خلال مداخلة مع الإعلامي تامر أمين ببرنامج "آخر النهار" الذي يذاع على قناة النهار: "أتمنى للناس تقف مع بلد زي أسوان شعبها طيب وناسها طيبين وأهلها أنا بحبهم جدا، وهما من أطيب القلوب، وفي الدوري مبحبش أسوان تنزل درجة تانية لأني بحب أروح أسوان وأتعامل مع الناس، دول أطيب ناس في مصر، وأتمنى الناس تساعدهم في الأزمة والمحنة اللي هما فيها".

وقال: "وارد إن أى حد ممكن يحصله موقف زي اللي حصلهم، وأي حاجة نقدر نقدمها علشانهم نقدمها، وأهل مصر كلهم أهل خير، لو جاتلي فرصة أروح أزورهم في أقرب وقت هروح بس أنا بدخل من معسكر لمعسكر والوقت مش سامح".