من الفسيخ شربات والرنجة مشويات.. افتكاسات عم مجدى تحول الرنجة لبرجر وشيش وحواوشى

"عملت اختراع جديد علشان الرنجة تفضل شغالة طوال السنة مش مواسم بس، واخترعت حواوشى رنجة بالجبنة الموتزاريلا وكريب رنجة بالبطاطس وعملت شيش رنجة وبرجر رنجة"، هكذا بدأ عم مجدى صاحب أغرب عربية رنجة لـ"اليوم السابع".

ويقول عم مجدي: "أول ما حبيت أعمل مشروع قررت أعمل مشروع الرنجة دا و أول لما عملت اختراع الحواوشى أو الكريب رنجة قررت اخلى الناس تدوق الطعم مجانًا ونال اعجابهم وبعدين اصبح ليا زبون للاختراع اللى عملته ".

و استطرد حديثه قائلًا:" الناس كانت بتستغرب ازاى في عربية رنجة وشوايات ولما شافوا النضافة والجودة خلاص بقوا زباين عندى باستمرار وناس وماكنتش بتاكل رنجة كلتها من عندى وبطرق الجديدة ".

وأضاف قائلًا:" الأسعار بتبدأ عندى ساندوتش الرنجة بـ 5 جنيه والبرجر بـ20 جنيه وساندوتش الصاروخ رنجة وبطروخ بـ 7 جنيه، و في طلبات بتبدأ من 20 جنيه ".