هيثم شاكر: بستخدم السوشيال ميديا فقط للترويج لأعمالى الجديدة

حل النجم هيثم شاكر ضيفًا على تليفزيون اليوم السابع مع الزميل على الكشوطى، وتحدث عن ألبومه الجديد وعن السوشيال ميديا في حياته، وقال هيثم شاكر:"أنا رافض إنى أتحول لشخص تانى على السوشيال ميديا غيرى وغير طبيعية شخصيتى، وطبعا كل الإحترام للناس اللى بتستخدم السوشيال ميديا وتنزل كل يوم صور، أنا بستخدم السوشيال بديل لطرق الدعاية اللى استخدمناها زمان كان بيبقى بوسترات في الشارع والتلفزيون لكن دلوقتى بعلن أن هنزل أغنية جديدة  على السوشيال ميديا بس".

وعن ألبومه الجديد رد، قائلا:" فكرة وجود ألبوم جديد له رونق وبيشكل حالة استمتاع مازالت مهمة و لازم أخد وقت في الأغانى ممكن سنتين أوأكتر وأحسن حل أكون موجود كل شهرين بأغنية والألبوم إن شاء الله ينزل صيف 2022".

يذكر أن آخر أعمال هيثم شاكر كان مسلسل "حب عمري"، تأليف فداء الشندويلى وإخراج عبد ‏العزيز حشاد، بطولة سهر الصايغ ومنة ‏فضالى ومى القاضى وأحمد كرارة وحنان سليمان وأمانى ‏كمال وديانا هاشم وسامح الصريطى وتامر فرج وعدد آخر ‏من الفنانين، واستطاع المسلسل ان يحقق نجاحاً كبيرًا.