نادية شكرى تحكى تفاصيل زواجها من سامى العدل

تعرضت الفنانة نادية شكرى، لوعكة صحية، وطلبت رشا سامى العدل ابنتها الدعاء لها بالشفاء العاجل، وقالت عبر حسابها بفيس بوك: "رجاء من كل الناس اللى بتحبنى أو حتى مش بتحبنى، ادعو لأمى، أنا ماليش غيرها فى الدنيا دى من بعد بابا الله يرحمه، يا رب يا رب يا رب قوم أمى بالسلامة وعديها على خير".

وروت الفنانة نادية شكرى، في فيديو قديم لها، مع الإعلامية منى الشاذلى في برنامج معكم، تفاصيل زواجها من الفنان سامى العدل، قائلة:"أنا كنت في معهد فنون مسرحية وسامى العدل كان زميلى في المعهد وكانت دفعتنا متميزة جدا فيها فاروق الفيشاوى و كنت أنا من الأوائل وشاطرة و بغششهم في الامتحانات، وفى مسرحية العيال كبرت كنت متزوجة سامى العدل وانجبت رشا".

وكانت رشا سامى العدل ابنة الفنان الراحل سامى العدل، أعربت عن حزنها الشديد لفقدان والدها، وأنها تعانى منذ لحظة رحيله، وقالت رشا، عبر حسابها على فيس بوك: "حبي الكبير الأعظم على الإطلاق.. وحشتني ووحشني حضنك وسؤالك عليا حتى مناكفتك ليا وحشتني وزعيقك فيه حاجة دايما ناقصة، وبحس إني وحيدة في الدنيا من غيرك وتايهة مش عارفة أتصرف ولا آخد قرارات مصيرية، مش عارفة أتعامل وأواجه مشاكل".

وتابعت: "كنت بستمد قوتي وطاقتي بوجودك في الدنيا الحياة أهلكتني بدونك، والناس بقت وحشة قوي ومفيش رحمة في قلوبهم واللي كان بيعمل حساب وجودك نسى أصلا إنه في يوم كان يعرفك وخيرك عليه رغم إن الواحد مش محتاج غير سؤال وطبطبة من حين لآخر بس بيستصعبوها ويستكتروها، وحشتني بقي ونفسي أجيلك قوي أقعد معاك وأفضفض لك، الله يرحمك يا سندى".