هند صبرى: قررت ألعب رياضة يوميا لأنى "تخنت وفشولت" بعد الإنجاب

حلت النجمة التونسية هند صبرى ضيفة في برنامج "معكم" للإعلامية منى الشاذلى، والمذاع على قناة Cbc، وتحدثت هند عن نشاطها الفنى وممارستها الرياضة مؤخرا، قائلة: "أنا شريكة في شركة لإنتاج مواد ديجيتال، ودايما بحب مخى يكون شغال، فأحيانا بكتب أفكار سواء لبرامج أو أفلام أو مسلسلات".

وعن ممارستها للرياضة قالت هند صبرى: "قررت من فترة إنى لازم الرياضة تبقى جزء من حياتى ولازم أعملها كل يوم زى ما بغسل سنانى، وإنه واجب لازم أعمله، والسبب في ده -على حد قولها- (تخنت وفاشولت)، بعد ما خلفت بنتين شكلى اتغير تمام عن قبل الإنجاب، وشوفت أمهات عندهم 4 أو 5 أولاد وفى منتهى الرشاقة، فقررت إنى لازم أعمل رياضة بشكل يومى".