إلهام شاهين تبكى على الهواء أثناء عرض مشهد من "حظر تجول" فى "بيت للكل"

بكت الفنانة إلهام شاهين خلال عرض مشهد من فيلم حظر تجول، الذي كان من بطولتها وبمشاركة الفنانة أمينة خليل وعدد من الفنانين.

وعلقت إلهام شاهين على الفيلم خلال لقائها مع الإعلامية شافكي المنيري ببرنامج "بيت للكل" الذي يذاع على القناة الأولى المصرية: "لما أم بتشحت من بنتها كلمة ماما، وفي الآخر ترد البنت على مامتها تقولها مش هتبتذيني وتخليني أقولك يا ماما، أنا كل دور بعيشه، أنا مبعرفش أمثل، أنا لازم أعيش الشخصية بصدق وده بيتعبني جدا، معنديش تكنيك الممثل، أنا بدخل المشهد مش عارفة هعمل إيه، بس بعيش اللحظة بجد".

وقالت: "وأنا بتفرج دلوقتي حسيت بالشخصية كمشاهدة وصعبت عليا وبكيت، أنا شخصية عاطفية بزيادة وجهازي العصبي ضعيف، مقدرش أشوف حد عنده مشكلة أو ضعيف ومتأثرش، ودي طبيعتنا في البلدان العربية، كلنا بنحب نساعد، لكن الفنان بالتحديد بعيش شخصيات كتير وبيتأثر بيها، علشان كدة جهازه العصبي بيكون ضعيف وبيتأثر بسرعة"

وتابعت: "مفيش فنان بينجح في حياته الشخصية وفي نفس الوقت بينجح في حياته المهنية، وأنا كنت دايما يختار حياتي المهنية، ومكنش عندي أبدا أني أعمل شيء لإلهام الإنسانة زي ما عملت لإلهام الممثلة".