ماجد الكدوانى معلقا على الفتاة الأوكرانية: "ما ينفعش أقتحم خصوصية حد وأصوره"

عبر الفنان ماجد الكدوانى عن استياءه من تصوير الفتاة الأوكرانية من البلكونة وقال خلال لقائه مع الإعلامى عمرو أديب: "ببساطة شديدة واحدة في بيتها ما ينفعش اقتحم خصوصية حد وأصوره ولو ملط وفكرة التصوير بقت مسألة خطيرة لأن كل إنسان بقى معاه موبايل فأني أصورك من غير ما تاخد بالك دة استباحة".

وتابع الكدوانى أنه فى إحدى المرات فى عام 86 أو 85، سأل والده وقال: "البنات بقت بتلبس لبس غريب قالي إيه اللي خلاك تبصلهم".

وأضاف ماجد الكدوانى: "أن أى امراة فى منزلها وأنت بصيت عليها وصورتها أفرض أنك ناشر حاجة ومفيش حد يجبلك باشكير فتحب حد يصورك".

وعلق ماجد الكدوانى على الضجة التي أحدثها صورته خلال نظرته لكريم عبد العزيز خلال تكريمه من مهرجان القاهرة السينمائى فى دورته الأخيرة، وقال: كريم مهما قلت عليه مش هقدر أعبر عن اللى جوايا.. أنا اتفزعت من رد الفعل، كريم مش صاحبى بس.. كريم تركيبة إنسانية نادرة.. بيشتغل من قلبه وبيحبك من قلبه.. هو شخص لو مصدقش بيبان عليه".

وأضاف: "أنا وكريم متفقين فى حاجات كتير.. ودايما نقول مهنتنا مقدسة.. من أيام حرامية فى "كي جي 2"  أنا وهو بنحاف من الكوميديا.. لأن الإضحاك مش سهل.. استخبينا فى الشخصية عشان لو مضحكناش يبقى مثلنا".

واحتفل الإعلامى عمرو أديب بعيد ميلاد الكدوانى فى الاستوديو بتورتة عليها صورته من فيلم نادى الرجال السرى، وقال الكدوانى إنه قلما ما يحتفل بعيد ميلاده..