لميس الحديدى ساخرة من فبركة الإخوان: قصص مضحكة.. وبقولهم ماتلعبوش مع الكبار

علقت الإعلامية لميس الحديدي على المكالمة المفبركة التى نجحت أجهزة الأمن فى التوصل لصانعيها، قائلة إن المكالمة المفبركة مليئة بالقصص المضحكة ومن الممكن أن نضعها تحت عنوان "ماتلعبش مع الكبار" والكبار هنا مصر والمصريين وهى رسالة موجهة لجماعة الإخوان.

وأضافت الإعلامية لميس الحديدى خلال برنامجها "كلمة أخيرة " المذاع على شاشة " ON" " بلاش تهزروا وتلعبوا معانا عشان بصراحة بقيتوا "خيبانين" بزيادة وبسرعة بقيتوا تتكشفوا بسهولة وأدائكم بقى"ركيك جداً" مقارنة بزمان كنتوا بتاخدوا وقت لحد ماتتكشفوا "

 ووجهت رسالة للإخوان قائلة: انتوا فاكرين أن مصر 2021 هى نفس مصر اللى هربتوا منها سنة 2013 وما بعدها واضح أنكم ماتعرفوش أن فيه تغير كبير جداً وأن بقى فيه دولة مؤسسات وثقة فيها، وتخيلوا أن مكالمة مفبركة بمجرد بثها عبر مواقع الاخوان ثم إنتشارها على السوشيال ميديا ممكن تدق "إسفين" فى دولة قوية أو تشكك الناس فى بلدها لكن الموضوع ماخدش يومين أو ثلاثة أيام وتمكنت من كشفها.

وقالت الإعلامية لميس الحديدى : ياجماعة شغلكم بقى "ركيك " ماعدش زى زمان واضح أن محمود عزت لما قبض عليه بقى عندكم تدهور فى شغلكم والشغل بقى " ركيك " ووجهت الشكر للداخلية، قائلة : "مهارة كبيرة مكنتها من كشف اللعبة خلال ساعات وده شيء محترم "، والمكالمة المفبركة تبدو فى ظاهرها أنها عملية "نصب" لكن باطنها رسالة ضمن الحرب التى لا تنتهى وتستهدف البلاد والاقتصاد واستقرار البلد واقتصاده ".