خالد الجندى: الإنسان مبقاش يقدر يسخر الجن لخدمته بعد نزول النبى محمد

قال الدكتور خالد الجندى عضو المجلس الأعلى للشئون الإسلامية: "حذرنا كثيرا من الدجل والشعوذة، وكما قال الله سبحانه وتعالى: وَلَوْ فَتَحْنَا عَلَيْهِم بَابًا مِّنَ السَّمَاءِ فَظَلُّوا فِيهِ يَعْرُجُونَ".

وأضاف خلال حلقة اليوم من برنامج لعلهم يفقهون: "الأخبار بتقول دلوقتى أنهم قبضوا على عدد من الدجالين اللى بيستغلوا إيمان الناس بحجة إن السحر لسة موجود وأنا بقول ان السحر اللى كان موجود قبل النبى ما بقاش موجود إكراما للنبى".

وتابع: "هناك تغيرات حدثت بعد نزول النبى صلى الله عليه وسلم وهى انقطاع العلاقة النفعية بين الإنس والجن، خلاص ما بقاش ينفع الإنس يسخر الجن لخدمته تانى، والعلماء انقسموا لقسمين قسم مصدق إن النبى اتسحر وقسم مش مصدق أنه تعرض للسحر وأنا من اللى مش مصدقين".

وأكمل: "هناك فريقان، من يقول إنه لا يوجد سحر على الإطلاق ومنهم من يقولون إنه عبارة عن خيالات وأنا قولت قبل كده على الراجل اللى كان بيقول القرى بتتحرق انه نصاب".